Apple-ın dəyərini 350 milyarddan 4 trilyona yüksəldən CEO vəzifəsindən ayrılır

Apple'da Varislik Planları Sürətlənir

Şirkətdaxili mənbələrdən daxil olan məlumata görə, Tim Cookun baş icraçı direktor vəzifəsindən ayrılmasına dair hazırlıqlar sürətlənir. Apple idarə heyəti və yüksək səviyyəli rəhbərlər Cookun mümkün gedişi üçün xələflik planını fəal şəkildə həyata keçirirlər. 65 yaşlı Cookun 14 ildir icraçı direktor kimi xidmət etdiyi bu vəzifəsindən ən erkən 2025-ci ildə ayrıla biləcəyi qeyd olunur.

Cookun Yerinə Keçəcək Əsas Namizəd Belli Oldu

Tim Cookun vəzifəsi üçün ən güclü namizədin Apple-ın aparat təminatı mühəndisliyindən məsul olan baş vitse-prezident Con Ternus olduğu bildirilir. 50 yaşlı Ternus 2001-ci ildə Apple-ın məhsul dizayn komandasına qoşulub və o vaxtdan bəri şirkətin bütün əsas məhsullarının aparat təminatı mühəndisliyinə rəhbərlik edib.

Yeni İcraçı Direktor Nə Vaxt Elan Ediləcək?

Şirkətdən daxil olan məlumata görə, yeni icraçı direktor yanvar ayının sonunda elan edilməsi gözlənilən maliyyə nəticələrindən əvvəl açıqlanmayacaq. İlin əvvəlində ediləcək bir elanın yeni idarəetməyə şirkətin illik tədbirlər təqvimi başlamazdan əvvəl vəzifəsinə uyğunlaşmasına imkan verə biləcəyi düşünülür.

Cookun Rəhbərliyi Altında Böyük Yüksəliş

Bu ay 65 yaşı tamam olan Tim Cook, 2011-ci ildə Stiv Cobsdan təhvil aldığı Apple-ı 350 milyard dollarlıq bir şirkətdən 4 trilyon dollarlıq texnologiya nəhənginə çevirib. Cookun dövründə Apple 2018-ci ildə 1 trilyon dollar bazar dəyərinə çatan ilk şirkət, 2022-ci ildə isə 3 trilyon dolları keçən ilk şirkət olub.

24 saat