"Atlanta"nın kapitanından Türk izləri
Arjantin Primera B Liqası A Qrupunu ikinci pillədə başa vuraraq yüksək liqaya vəsiqə qazana bilməyən "Atlanta" komandasının kapitanı Martin Nikolas Previtali klubla müqaviləsini daha bir il uzadıb. Komandası ilə birgə yüksək liqaya çıxmağı qarşısına məqsəd qoyan "Turko" ləqəbli kapitanın daha bir il "Atlanta"da qalacağını elan etdiyi videoda taktiki lövhədə türk dilində yazdığı ifadələr diqqət çəkib.
"2027-yə qədər birlikdə"
Karyerası boyunca Argentina xaricində oynamayan və yalnız bu ölkənin vətəndaşı olan Martin Nikolas Previtali klubda daha bir il qalacağını açıqladığı videoda lövhəyə "2027-yə qədər birlikdə" sözlərini türk dilində yazıb. Previtalinin bu videosu sosial mediada sürətlə yayılıb və bir çox insan argentinalı oyunçunun niyə məhz türk dilindən istifadə etdiyini maraqlanıb.
Kökənində Osmanlı izləri
Sosial mediada yayılan məlumatlara görə, "Turko" ləqəbli kapitan Previtalinin kökləri Osmanlı imperiyasına gedib çıxır. Onun əcdadları Osmanlı imperiyasının hökmranlıq etdiyi dövrlərdə Suriya və Livandan Argentinaya köç edib. Previtali öz köklərini araşdırıb və mədəniyyətini yaşatmağı seçib. 30 yaşlı təcrübəli oyunçunun "Turko" ləqəbi ilə tanınması və lövhəyə türk dilində yazması da məhz bununla əlaqədardır.
Ön libero mövqeyində oynayan 1.84 sm boya sahib futbolçunun Transfermarkt verilənlərinə əsasən, dəyəri 350 min avro təşkil edir.
Oxucu Şərhləri
Hələlik heç bir şərh yazılmayıb. İlk şərhi siz yazın!
Şərh Yaz