Arxeologiya heyrətdə: Hz. Musanın 3800 illik mesajı tapıldı

Misirin Sina Yarımadasında, gözlərdən uzaq bir vadidə yerləşən Antik Misir mədən ocağında aşkar edilən yazılar elm dünyasında böyük həyəcan yaradıb.

Həzrəti Musaya Aid Yazı

Təxminən 3800 il əvvəlinə aid olduğu düşünülən daşlar üzərindəki ifadələrdən biri, birbaşa Həzrəti Musaya işarə edir. "Bu, Musadan" mənasına gəldiyi irəli sürülən yazı mütəxəssislərə görə, Tövratda təsvir edilən və Musanın liderliyində baş verən "Çıxış" hekayəsinə işıq sala bilər. "Daily Mail" qəzetinin verdiyi xəbərə görə, tapıntıların üzə çıxarılmasında iştirak edən araşdırmaçı Maykl Bar-Ron yazılarının yalnız arxeoloji deyil, həm də dini və mədəni bir dönüşü simvolizə etdiyini bildirib.

Sirli Tapıntılar Və İnanc Dəyişiklikləri

Xəbərdə qeyd edildiyinə görə, bəzi daşlar üzərində Antik Misir tanrıçalarının adlarının qazılaraq silinməsi, dövrün inanc sistemindən qopuşun izlərini daşıya biləcəyini düşündürür. Eyni bölgədə tapılan və "lənətlənmiş giriş" adlandırılan dəhlizlə yanaşı, yandırıldığı güman edilən bir məbədin qalıqları da bu nəzəriyyəni gücləndirir. Arxeoloqların fikrincə, Sina Yarımadasındakı başqa bir önəmli kəşf, Firavan sarayında xidmət etdiyi güman edilən Asiyalı bir müşavirə aid nəhəng abidə daşıdır. Bu tapıntı da, Misirdə həmin dövrdə yaşayan müxtəlif xalqlar arasında diqqətəlayiq bir qarşılıqlı əlaqə olduğunu göstərir. Bar-Ronun sözlərinə görə, yazıların məzmunu yalnız tarixi deyil, həm də mənəvi mənada "transformasiyaedici" bir mesaj daşıyır.

Elm Dünyasında Bölünmə

Lakin bütün bu iddialar elm dünyasında fikir ayrılıqlarına səbəb olub. Kanadadakı Britaniya Kolumbiyası Universitetindən Misirşünas Professor Doktor Tomas Şnayder "İrəli sürülən şərhlər son dərəcə təəccüblüdür, lakin əlimizdəki məlumatlar hələ elmi dəqiqlik daşımır" deyərək ehtiyatlı olmağın vacibliyini vurğulayıb. Bütün diqqətlər indi bu sirli mədənin dərinliklərində daha nələrin gizləndiyinə yönəlib. Çünki mütəxəssislərə görə, bu kəşf yalnız başlanğıc ola bilər.

24 saat