Ata və oğul eyni komandada oynayır

Hatayda ata-oğul eyni komandada mübarizə aparır ## Futbol həvəskarı atanın yolu Hatay 1-ci Amatör Liqası B Qrupunun komandalarından olan Mesa Spor Kulubunda çıxış edən Hayrettin, futbola olan marağını oğluna da aşılayıb. Oğlu Enesi üç il əvvəl məşqlərə aparmağa başlayıb. Uşaq yaşlarından futbolun sirlərini öyrənən Enes, atasının da formasını geyindiyi komandaya qoşulmaq şansı əldə edib.

Futbol sahəsində bir araya gələn ata-oğul, komandalarının daha yüksək liqalara yüksəlməsi üçün birgə çalışır, məşqlərdə və oyunlarda birlikdə tərləyirlər. Forvet mövqeyində oynayan ata və sağ, sol cinahlarda mübarizə aparan oğul, komandalarının uğuru üçün əlindən gələni edir.

## "Oğlum məni keçəcək" Hayrettin Aykut, jurnalistlərə verdiyi açıqlamada oğlunun kiçik yaşlarından futbola böyük maraq göstərdiyini bildirib. Övladı ilə eyni meydanda çıxış etməkdən böyük zövq aldığını deyən Aykut, "Oğlumla qürur duyuram. Bu gedişlə oğlum məni keçəcək. Əsas olan idmanla məşğul olmaq, uşaqları pis vərdişlərdən uzaq tutmaqdır" deyə vurğulayıb. ## "Atam həmişə arxamda idi" Enes Aykut da atası ilə eyni meydanda mübarizə aparmağın qürurverici olduğunu qeyd edib. Atasını özünə nümunə götürdüyünü dilə gətirən Enes, bunları söyləyib: "Həmişə atamı tərifləyirdilər. Atamla eyni meydanda top oynamaq arzusu məndə 5-6 il əvvəl yaranmışdı. Çox şükür ki, hazırda eyni komandada oynamağa başlamışıq. Atamla top qovmaq, qol vurduğumuz zaman bir-birimizə qaçmağımız sözlə ifadə edilə bilməyəcək bir hissdir. Atam həmişə arxamda idi, buna görə də çox şanslıyam."

24 saat