Avropada dəhşətli meşə yanğınları: Turistlərin laqeydliyi hiddət doğurub
Cənubi Avropada müşahidə olunan anomal istilər İspaniya və Fransada genişmiqyaslı meşə yanğınlarını alovlandırıb. Təbii fəlakətlə əlaqədar bölgədə həyəcan vəziyyəti elan edilib və fövqəladə tədbirlər görülür.
Yanğınlar yaşayış məntəqələri üçün ciddi təhlükə törətsə də, bəzi turistlərin buna qarşı göstərdiyi etinasız yanaşma sosial şəbəkələrdə və cəmiyyətdə kəskin narazılıqla qarşılanıb.
Yayılan kadrlarda bir tərəfdə meşəni bürüyən nəhəng alov və qatı tüstü görünərkən, digər tərəfdə insanların sahil boyu dincəlməyə və dənizdə çimməyə davam etməsi təəccüb doğurur.
Mütəxəssislər və yerli rəsmilər yanğın zonalarının yaxınlığında təhlükəsizlik qaydalarına ciddi əməl olunmasının vacibliyini vurğulayaraq, vətəndaşları və qonaqları daha məsuliyyətli olmağa dəvət ediblər.
İqlim dəyişikliyi səbəbindən Avropanın bir çox ərazisində yanğın təhlükəsi yüksək olaraq qalır. Yanğınsöndürmə qrupları alovun yaşayış evlərinə keçməsinin qarşısını almaq üçün gecə-gündüz mübarizə aparırlar.
Oxucu Şərhləri
Hələlik heç bir şərh yazılmayıb. İlk şərhi siz yazın!
Şərh Yaz