Balıkəsirdə 4.5 bal gücündə zəlzələ

Balıkesir Sındırgı rayonunda zəlzələ baş verib

Türkiyənin qərbində, Balıkesir vilayətinin Sındırgı rayonunda 2025-ci il noyabrın 10-u səhər saat 05:48-də (TSİ) 4.5 bal gücündə zəlzələ qeydə alınıb. Türkiyə Fəlakət və Fövqəladə Halların İdarə Edilməsi Agentliyi (AFAD) tərəfindən verilən məlumata görə, bu yeraltı təkanlar yer səthindən 13.25 kilometr dərinlikdə meydana gəlib. Hadisə bölgə əhalisi arasında qısa müddətli çaxnaşmaya səbəb olsa da, ilkin məlumatlara əsasən, hər hansı ciddi dağıntı və ya xəsarət barədə məlumat daxil olmayıb.

Yeraltı təkanlar İstanbulda da hiss olunub

Sındırgı rayonunda baş verən Balıkesir zəlzələsi yalnız Balıkesir ətrafı yaşayış məntəqələrində deyil, həmçinin ölkənin ən böyük şəhəri olan İstanbul və digər yaxın vilayətlərdə də hiss edilib. Kandilli Rəsədxanası isə bu zəlzələnin gücünü 4.8 bal olaraq elan edib ki, bu da AFAD-ın açıqladığı rəqəmdən bir qədər fərqlənir. Zəlzələnin ardınca aidiyyəti qurumlar bölgədə vəziyyəti qiymətləndirmək üçün monitorinqə başlayıblar.

24 saat