Bankadan çıxan 1943-cü il istehsalı sikkə 39 milyon lirəyə satılıb

Bankada unudulan 1943-cü il istehsalı sikkə 39 milyon lirəyə satıldı

ABŞ-da illərlə bir bankada unudulan və adi bir qəpik sanılan 1943-cü il istehsalı Linkoln senti kolleksiya dünyasında böyük həyəcan yaratdı. Uzun müddət gözdən uzaq qalan bu nadir parça hərracda rekord qiymətə satılıb.

Aparılan araşdırmalar nəticəsində sikkənin səhv zərb edildiyi və dünyada cəmi 20 ədəd olduğu müəyyən edilib. Bu nadirlik sikkənin dəyərini təxminlərdən qat-qat yüksəyə qaldıraraq kolleksiyaçıların diqqətini cəlb edib.

Hərrac prosesində böyük rəqabətə səbəb olan sikkə təxminən 840 min dollara, yəni bugünkü məzənnə ilə 39 milyon türk lirəsinə satılıb. Sözügedən satış numizmatika dünyasında ilin ən diqqətçəkən hadisələrindən biri kimi qeydə alınıb.

Ekspertlər evlərdə saxlanılan köhnə pulların bəzən əvəzsiz dəyərə malik ola biləcəyinə diqqət çəkirlər. Bu hadisə, səhv zərb edilmiş pulların doğru əllərdə necə bir sərvətə çevrilə biləcəyinin ən bariz nümunələrindən biri oldu.