Kahramanmaraş mərkəzli zəlzələdən təsirlənən Bedgili ailəsinin 10 yaşlı oğlu Barış Bedgiliyə leykemiya diaqnozu qoyulmuşdu.
Keçən mövsüm sarı-qırmızılı komandanın çempionluğunu elan etməsindən sonra kiçik azarkeş sosial media hesabından “Dostlar, mən kimyaterapiya alıram. Çempionluq qeyd etməsinə qatıla bilmirəm. Mənim yerimə də qeyd edərsinizmi?” paylaşımını etmişdi. Bu çağırış Galatasaray azarkeşlərinin diqqətini çəkmiş, onlar məşəllərlə müalicə aldığı xəstəxananın qarşısına gələrək kiçik Barışa dəstək olmuşdular.
10 yaşlı tərəfdara daha bir sürpriz sarı-qırmızılı komandanın milli futbolçusu Barış Alper Yılmazdan gəldi. 25 yaşlı futbolçu, adaşı kiçik Barışa imzalı formasını göndərdi. Barış Alperin mənalı hədiyyəsi qarşısında çox həyəcanlanan Barış da çəkdiyi video ilə futbolçuya təşəkkür etdi.
MAÇA DƏVƏT
Barış Alper Yılmaz, adaşı olan kiçik döyüşçü Barışı klubun ilk ev oyununa dəvət etdi. Kiçik azarkeş liqa mövsümünün ikinci həftəsində Fatih Karagümrüyü qonaq edəcəyi qarşılaşmanı tribunalardan izləyəcək. Barış Alper Barış və ailəsini İstanbulda qonaq edəcək.
Futbol dünyasında belə jestlər kiçik azarkeşlər üçün böyük motivasiya mənbəyi olur.