Barış Arduça Ayhan Işık Mükafatı Esra Dermancıoğlu qəzəbləndi

Türk teatr və kinematoqrafiya sənətinin dəyərli simalarını şərəfləndirən və oyunçuluq sahəsindəki uğurlu aktyorları təltif edən Sadri Alışık Mükafatlarının bu il 26-cı təntənəli mərasimi keçiriləcək.

SİNEMA SAHƏSİNDƏ MÜKAFATLAR

Kinematoqrafiya sahəsində bu il Ayhan Işık Xüsusi Mükafatı istedadlı aktyor Barış Arduça təqdim olunacaq. "Beraber" adlı filmdəki uğuru ilə Ekrem Bora İlin Ən Yaxşı Debüt Aktyoru Mükafatına gənc aktrisa Mina Demirtaş layiq görülüb, məşhur rejissor Erden Kıral adına təqdim edilən Seçici Heyət Xüsusi Mükafatı isə "Büyük Kuşatma" filmi ilə Alp Öykenə çatacaq.

ESRA DERMANCIOĞLU NARAZILIĞINI BİLDİRDİ

"Fatmagül'ün Suçu Ne?" serialında canlandırdığı "Mukaddes yengə" rolu ilə yaddaşlara həkk olunan aktrisa Esra Dermancıoğlu da mükafat alacaq adların açıqlanmasından sonra yayımladığı videoda narazılığını bildirib: "İndi Sadri Alışık Mükafatlarına baxdım. Bu Türkiyədə niyə mən sənət və sənətçilər arasına daxil ola bilmirəm? Məni qəbul etmirlər. Görünür ki, performans olaraq həddindən artıq zəifəm. Yəni, mən belə görürəm, çünki illərdir teatrda və seriallarda rol alıram. Mənə, üzr istəyirəm, 'Hayalet Dayı' ilə mükafat vermişdilər. Burada bir səhv olmalıdı. 'Hayalet Dayı' ilə mən necə mükafat aldım? Qəribə, axmaq bir obrazla... Dostlar, alınmır. Türkiyədə sənətçilərin arasına daxil ola bilmirəm. Çox üzülürəm."

24 saat