Beşiktaşdan Rafa Silva ilə bağlı təhdid bəyanatı

Beşiktaş prezidenti Serdal Adalı və baş məşqçi Sergen Yalçın Rafa Silva məsələsinə aydınlıq gətirdi

Beşiktaş prezidenti Serdal Adalı və baş məşqçi Sergen Yalçın Nevzat Dəmir Təsisatlarında keçirilən mətbuat konfransında Rafa Silva ilə bağlı yaranmış vəziyyətə aydınlıq gətiriblər. Adalı futbolçunun karyerasına son vermək istədiyini bildirib. Onun sözlərinə görə, Başakşehir matçında 83-cü dəqiqədə oyundan çıxdıqdan sonra Rafa Silvanın meneceri görüş tələb edib. Görüş keçirildikdən sonra futbolçunun özü ilə də danışıqlar aparılıb. Serdal Adalı qeyd edib ki, problemi öz daxillərində həll etməyə çalışıblar və bu istiqamətdə xeyli səy göstərilib. Futbolçu ilə görüşdə "Heç kimlə problemim yoxdur, futbolu tərk etmək istəyirəm" dedikdən sonra fikrini dəyişərək "Gəldiyimdən bəri 3 prezident, 4 baş məşqçi gördüm" kimi fərqli açıqlamalar verib.

"Bura Beşiktaşdır, ayrılıq şərtlərini Beşiktaş müəyyən edir"

Ayrılıq istəyi ilə bağlı danışan Beşiktaş prezidenti, Rafa Silvaya həmişə xüsusi davrandıqlarını, ona güzəştlər etdiklərini və bütün problemləri ilə maraqlandıqlarını vurğulayıb. Adalı deyib: "Onu sarıb-sarmaladıq. Beşiktaşlı biri və prezident olaraq, ən yaxşı oyunçumun ayrılmasını istəyərəmmi? Bu mövqedən sonra yanvar ayına qədər peşəkar kimi işini davam etdirməsini istədim. Özü ilə də uzun-uzadı söhbət etdik. Ona olan sevgini izah etdik. Azarkeşlər üçün yanvar ayına qədər əlindən gələnin ən yaxşısını etməsini söylədim. Rafa Silva yanvar ayına qədər tələbimizə müsbət reaksiya vermədi. Yanvar ayı üçün çıxış maddəsi bəllidir! Meneceri '3 milyon avro gətirək, buraxın' kimi gülünc bir təkliflə gəldi! Bura Beşiktaşdır, ayrılmaq istəyən varsa, şərtləri Beşiktaş müəyyən edir! Ya Rafa Silva bir an əvvəl özünə duyulan sevginin və etimadın qarşılığını verir, ya da istədiyimiz transfer haqqını gətirir və gedir! Hər ikisinə də yanaşmırsa, müqaviləsi bitənə qədər heç yerə gedə bilməz! Beşiktaşın əmək haqqına qənaətə də ehtiyacı yoxdur! Lazım gəlsə, pulunu verib kənarda saxlayarıq! Lazım gəlsə, məsələ FIFAya gedər, Beşiktaşın hüquqları sona qədər qorunar."

"Problemin kökü Rafa Silvadan qaynaqlanır"

Beşiktaş prezidenti bu böhranın Rafa Silvadan qaynaqlandığını vurğulayıb: "Böhran idarə edilmədi kimi bir fikirlə razı deyiləm. İdarə edə bilməsəydik, çox fərqli nəticələrə gedərdik. Heç olmasa qarşımızda oturub danışa biləcəyimiz bir futbolçumuz var. Bir şeyin qopduğu yoxdur. Amma problem bunlardır. Problemin kökü Rafa Silvadan qaynaqlanır. Türkiyəyə ən çox portuqaliyalı futbolçu gətirən menecerəm, hamısı ilə davamlı görüşürəm. Rafa Silva fərqli bir xarakterdir. Biz edə bilmədisənsə, qalanını siz təxmin edin. Günahkar axtarmağa ehtiyac yoxdur."

Serdal Adalı Rafa Silvanın bu axşam qərarını bildirəcəyini deyərək, bunları əlavə edib: "İnşallah dediyimizi başa düşər və doğru yolu tapar! 3 milyon avro, 6 milyon avro üçün oyunçu yollamam! Rafa Silva üçün Türkiyədən gələcək hər hansı bir dəyişmə təklifini qəbul etmərəm. Rafa Silva Türkiyədə yalnız Beşiktaşda oynar. O da 'Əgər oynasam, yalnız Portuqaliyada oynaram' dediyi üçün... Bu, önümüzdəki 1.5 il üçün keçərlidir. Bizimlə müqaviləsi bitdikdən sonra nə edər, onu bilmirəm."

Sergen Yalçın: "Rafa Silva ilk gündən ayrılmaq istədi"

Məsələ ilə bağlı Beşiktaşın baş məşqçisi Sergen Yalçın bildirib: "Rafa Silva ilk gün mənə 'Çox bədbəxtəm, burada qalmaq istəmirəm. Futbolu tərk etmək istəyirəm' dedi. Kenny Aroyo da oxşar şeylər dedi, onun önünü açdıq. Rafa Silva dəyərli oyunçu olduğu üçün 'Səni rahat etdirərik, idarə edərik. Qarışmarıq, səni sərbəst buraxarıq' dedim. Qısa müddətdə problemi həll etdim. Bir müddət sonra mövzu yenidən gündəmə gəlməyə başladı. Meydan nəticələri məni dəstəkləməyəndə zəifləyirik və üzərimizə daha çox gəlməyə başlayırlar. Bunların mənim üçün əhəmiyyəti yoxdur. Bir ay sonra Rafa Silvanı yenidən çağırdım, dəyərini izah etdim. Ona ehtiyac olduğunu danışdım. Toparlamağa çalışdıq, amma Kasımpaşa matçı həftəsi olay həll edilməyəcək həddə çatdı. Birbaşa məşqlərə çıxmayacağını və matçlarda oynamayacağını dedi. Bu hadisələr olduqdan sonra komandama 'Rafa ilə işiniz olmasın' dedim. Oynamaq istəmədiyini dedikdən sonra məsələ məndən çıxdı və inzibati bir məsələ halına gəldi. Bunu prezidentə dedim. Rafa Silva mövqeyini sərtləşdirdi, həll edəcək vəziyyətim qalmadı. Rafa Silva bizimlə ünsiyyəti kəsdi. Meneceri vasitəsilə xəbər yollayır."

"Meneceri təhdidlərdə bulundu"

Menecerinin təhdidlər etdiyini söyləyən Yalçın: "Hər bazar ertəsi 'Rafa Silva məşqə çıxacaqmı? Oynayacaqmı?' suallarını veririk. Bu nöqtəyə gəldik. Açıq deyirəm. Meneceri də davamlı olaraq məşqə, matça çıxıb-çıxmamaq barədə təhdidlərdə bulunur. Bunları danışmaq məcburiyyətində qaldığım üçün üzülürəm. Bunlar xüsusi şeylərdir. Təəssüf ki, bu nöqtəyə gəldi. Həyatımda heç kimə tanımadığım dözümlülüyü Rafa Silvaya tanıdım. Bunu digər oyunçulardan da soruşa bilərsiniz."

"Öz daxilimizdə həll etməyə çalışdıq"

Təcrübəli baş məşqçi bu böhranı həll etməyə çalışdıqlarını bildirərək deyib: "Böhranı biz çox yaxşı idarə etdik. Öz daxilimizdə həll etməyə çalışdıq. Siz daha yeni öyrəndiniz. Oyunçu hər həftə tələblərini artırdı. 'Ulduz oyunçu ilə işləyə bilmirəm' deyilmişdi... Samuel Eto'o ilə işlədim. Türkiyəyə gələn ən əhəmiyyətli ulduzlardan biri idi. Dünyanın üç-dörd ulduzundan biri... Rafa Silva ilə də mənim problemim olmadı. Rafa Silva heç vaxt mənə hörmətsizlik, tərbiyəsizlik etmədi. Öz üzərinə düşən vəzifələri yerinə yetirdi. Onsuz da bu problemlər olsaydı, mövzunu özüm həll edərdim. Problem olmadığı üçün məsələ məni üzür. Problem olsa, məsələni özüm həll edərəm və əlaqəni kəsərəm. Rafa Silva ilə danışın və problemi soruşun. Peşəkar müqavilənin tələblərinə uyğun davranmır. 'Təzyiq göstərirəm'... Təzyiq nədir? Bunları çıxaran dostlar psixoloqa getsinlər. Çox faydası olur."

"Şərhçilik dövründəki sözləriniz Rafaya təsir etmişdirmi?" sualına Sergen Yalçın belə cavab verib:

"O zaman uşaqlığımıza qədər enməliyik! Bunlar çətin mövzulardır (gülərək). Oyunçularla birlikdə yaşayırıq və ata ilə oğul kimiyik. Bəzən sevərik, bəzən cəzalandırarıq. Problemləri öz daxilimizdə həll edərik. Amma çox böyük bir problem gələrsə, həll edə bilmərik və prezidentə deyərik. Bəlkə mənim də səhvim var... Bəlkə oyundan çıxardım və mənə hirsləndi.

Rafa Silvanı çıxardaq və özü danışsın, özü suallarınızı cavablandırsın. Mənim tərəfimdən problem yoxdur, çünki bir problem yaşamadıq. Bir şey də etmədik, sərbəst buraxdıq.

Yenə deyirəm gəlsin... Forması oradadır və oynasın. Bütün komanda Rafa Silvaya görə qurulmuş, ona uyğun oyunçular alınmış. Mən başqa bir oyun oynamaq istəyirəm, amma ona görə plan qurulmuş. Bu da normaldır."

24 saat