Biletlər bir saata tükəndi

Meqastar Tarkan İstanbulda səhnəyə qayıdır

Uzun müddətlik fasilədən sonra pərəstişkarlarının böyük intizarla gözlədiyi Meqastar Tarkan İstanbul səhnəsinə geri dönür. Sənətçi, özünəməxsus səhnə enerjisi və unudulmaz ifaları ilə 2026-cı ilin yanvar ayında "Volkswagen Arena"da səkkiz möhtəşəm konsert seriyası ilə çıxış edəcək. Bu tədbirlər 16, 17, 20, 23, 24, 27, 30 və 31 yanvar tarixlərində baş tutacaq. İstanbulda onun səhnəyə qayıdışı musiqisevərlər arasında böyük həyəcanla qarşılanıb.

Biletlər rekord müddətdə satıldı

Hitt Prodüksiyonun təşkilatçılığı ilə reallaşacaq bu performanslara olan maraq gözləntilərin xeyli üzərində olub. Pərəstişkarlarının sənətçinin canlı ifasına olan dərin həsrəti bilet satışlarında öz əksini tapıb. Xəbər verildiyinə görə, ilk dörd konsert üçün biletlər cəmi 45 dəqiqə ərzində tamamilə satılıb. Qalan dörd çıxışın biletləri isə təxminən bir saata tükənib. Bu, Tarkan'ın populyarlığının və musiqisinə olan misilsiz tələbin bariz göstəricisidir.

24 saat