Bollywoodun “He-Man”i Dharmendra Deol 89 yaşında vəfat etdi

Hindistanın ən tanınmış aktyorlarından və Bollivudun döyüş filmləri qəhrəmanlarından biri olan Dharmendra Deol 89 yaşında dünyasını dəyişib.

İki həyat yoldaşı və altı övladını geridə qoyan sənətçi, son bir ayda səhhətində yaranan problemlərlə mübarizə aparıb. Hindistan mediası bazar ertəsi onun Mumbaydakı evində vəfat etdiyini bildirib.

Aktyorun ailəsindən rəsmi açıqlama verilməsə də, aktyor Amitabh Bachchan da daxil olmaqla bir sıra həmkarları dəfn mərasimi üçün Mumbayın Juhu qəsəbəsindəki krematoriyada toplaşıblar.

2023-cü ildə çəkdiyi "Rocky Aur Rani Kii Prem Kahaani" (Rokki və Raninin Eşq Hekayəsi) filmində ona rol verən prodüser və rejissor Karan Cohər İnstaqram paylaşımında onu "nəhəng meqastar, əsas kinematoqrafiyanın qəhrəman təcəssümü" kimi xarakterizə edib.

Baş nazir Narendra Modi aktyorun vəfatının Hindistan kinosunda bir dövrün sonu olduğunu vurğulayaraq, başsağlığı verib.

Modi sosial mediada yazıb: "O, Hindistan kinosunun ikonik siması, oynadığı hər rola cazibə və dərinlik qatan fenomenal aktyor idi. Müxtəlif rolları ifa etmə tərzi saysız-hesabsız insanın ürəyinə yol tapıb. Dharmendra Ji..."

The passing of Dharmendra Ji marks the end of an era in Indian cinema. He was an iconic film personality, a phenomenal actor who brought charm and depth to every role he played. The manner in which he played diverse roles struck a chord with countless people. Dharmendra Ji was…

— Narendra Modi (@narendramodi) November 24, 2025

Nəslinin aparıcı aktyoru

Pərəstişkarları arasında sadəcə Dharmendra adı ilə tanınan sənətçi altı onillikdən artıq karyerası ərzində 300-dən çox filmdə çəkilib.

Tez-tez Bollivudun "Kişi Adamı" ("He-Man") adlandırılan aktyor, köhnə məktəb qəhrəmanlığını romantik aparıcı rolda zərifliklə birləşdirərək onu Hindistanın ən ikonik simalarından birinə çevirib. Mumbaya köçüb 1960-cı ildə ilk filminə çəkilib.

1935-ci ildə Pəncab əyalətində doğulan sənətçi film jurnalı tərəfindən təşkil edilən istedad müsabiqəsində qalib gəlib, daha sonra Mumbaya köçüb və 1960-cı ildə ilk filminə çəkilib.

Sonrakı illərdə o, art-haus filmlərindən tutmuş, yumşaq romantik əsərlərə, döyüş filmlərinə və komediyalara qədər müxtəlif janrlarda çəkilərək öz nəslinin aparıcı aktyoru olub.

Onun diqqətəlayiq filmləri arasında 1975-ci ildə çəkilmiş və Hindistan populyar mədəniyyətinin bir hissəsinə çevrilmiş, kiçik quldurlardan ibarət dəstənin bir yarısını oynadığı Bollivudun kult klassiki "Sholay" (Közlər) də yer alır. Aktyorun bu filmdəki dialoqları o vaxtdan bəri bir çox filmlərə təsir edib.

Dharmendra şöhrət qazanmazdan əvvəl ilk həyat yoldaşı Prakaş Kaurla evlənib.

Hema Malini ilə bir neçə filmdə birlikdə çəkildikdən sonra, Kaurdan boşanmadan 1980-ci ildə onunla evlənib.

O, 2004-cü ildən 2009-cu ilə qədər Hindistan parlamentinin üzvü olub.

24 saat