'2020-Cİ İLLƏRİN SONUNDA BAŞ VERƏCƏK'
Keçən yay vəzifəsindən istefa verən və xüsusilə hökumətin orduya kiçiltmə siyasətini tənqid etdiyi üçün etibarını itirən Sanders, The Telegraph qəzetinə verdiyi diqqətçəkən müsahibədə bildirib ki, "Vladimir Putinin rəhbərliyi altında Rusiya ilə 2020-ci illərin sonunda bir konfliktin baş verməsi real bir ehtimaldır. Artıq bunu qəbul etməliyik."'SİQNALLARI GÖRMƏZDƏN GƏLMƏYİN'
Sandersə görə, İngiltərə NATO öhdəlikləri çərçivəsində, Rusiyanın Ukraynadakı hərbi əməliyyatları dayandırdıqdan sonrakı addımında birbaşa hədəfə çevrilə bilər. Sanders hökumətə xəbərdarlıq edərək dedi: "Əgər Rusiya Ukraynadakı toqquşmaları dayandırsa, yalnız bir neçə ay ərzində NATO üzvünə məhdud bir hücum təşkil edə biləcək gücə sahib olacaqlar."Əgər hazırlıqlarımızı indidən görməsək, gələcəkdə çox gec ola bilər.
'SIĞINACAQ BELƏ YOXDUR'
Sanders, mümkün bir hücuma qarşı Böyük Britaniyanın mülki və hərbi infrastrukturunun yetərsiz olduğunu vurğuladı. O, Finlandiyanı misal göstərərək dedi:Finlandiyada 4,5 milyon insan üçün bomba sığınacaqları var. Hökumət, birbaşa raket və hava hücumlarına qarşı yeraltı şəraitdə varlığını davam etdirə bilər. Bizdə isə belə bir hazırlıq yoxdur.
'İNGİLTƏRƏ ORDUSU BİR NEÇƏ AY DAYANA BİLƏR'
Sanders, İngiltərə ordusunun indiki vəziyyəti ilə genişmiqyaslı hərbi əməliyyatlara uzun müddət tab gətirə bilməyəcəyi fikrindədir. Ordunun mövcudluğunun Napoleon müharibələrindən bu yana ən aşağı səviyyəyə endiyinə diqqət çəkən Sanders, bu diqqətçəkən ifadələri işlətdi:Bugünkü vəziyyəti ilə Britaniya ordusu intensiv döyüşlərlə dolu bir müharibədə yalnız ilk bir neçə ay tab gətirə bilər. Ehtiyat qüvvələri ilə birlikdə belə, ümumi əsgər sayı 100 mindən az qalır və bu, kifayət deyil.