Cənubi Koreyanın keçmiş prezidenti Yoonun xanımına həbs tələbi

Keçmiş Dövlət Başçısı Yoon Suk Yeol'un həyat yoldaşı Kim Keon Hee haqqında ona irəli sürülən korrupsiya ittihamları çərçivəsində istintaq aparılır.

İstintaqı aparan məhkəmə, Kim Keon Hee barəsində "səhm manipulyasiyası sxeminə qarışmaq, seçkilərə müdaxilə etmək və rüşvət almaq" ittihamları ilə həbs qərarı çıxarıb.

Dindirmə zamanı ifadə verdiyi məhkəmə prosesindən sonra istintaq təcridxanasına aparılan Kim Keon Hee daha sonra həbs olunacaq.

Yoon Suk Yeolun həyat yoldaşı, kilsə rəsmilərinə imtiyazlar verməkdə ittiham olunmaqla yanaşı, həm də 2009-2012-ci illər arasında Cənubi Koreyada BMW dileri olan Deutsch Motors-u əhatə edən səhm qiymətlərinin manipulyasiyası sxemində iştirak etməkdə təqsirləndirilir.

Cənubi Koreya Milli Məclisi iyunun 5-də keçmiş dövlət başçısının hərbi vəziyyət elanı və onun həyat yoldaşı ilə bağlı ittihamlar barədə xüsusi araşdırmaların başladılmasını nəzərdə tutan qanun layihələrini qəbul edib.

Yoon Suk Yeol'un Hərbi Vəziyyət Elanı və İmpiçment Prosesi

Keçmiş Dövlət Başçısı Yoon Suk Yeol 2024-cü il dekabrın 3-də "müxalifətin dövlət əleyhinə fəaliyyətlərə qarışdığı" səbəbiylə hərbi vəziyyət elan etmişdi. Hərbi vəziyyəti tətbiq etməklə vəzifələndirilmiş əsgərlər Milli Məclisə daxil olmuşdular, lakin Məclisin bu qərarı ləğv etməsi və Nazirlər Kabinetinin təsdiqi ilə o, geri addım atmaq məcburiyyətində qalmışdı.

Milli Məclisin 2024-cü il dekabrın 14-də keçirdiyi səsvermədə impiçmenti tələb olunan keçmiş lider, Konstitusiya Məhkəməsinin onun haqqında verəcəyi qərara qədər müvəqqəti olaraq vəzifədən uzaqlaşdırılmışdı.

Konstitusiya Məhkəməsi məhkəmə prosesindən sonra aprelin 4-də verdiyi qərarda Milli Məclisin impiçment tələbini qəbul edərək, onun hərbi vəziyyət elan etməsi səbəbindən vəzifədən azad edilməsini təsdiqləmişdi.

Keçmiş dövlət başçısının vəzifədən azad edilməsindən sonra keçirilən seçkidə qalib gələn əsas müxalifətdəki Demokrat Partiyasının (DP) namizədi Li Cae-myun iyunun 4-də Milli Məclisdə and içərək rəsmən vəzifəsinə başlamışdı.

Yoon Suk Yeol ilk dəfə yanvarın 19-da Seul Qərb Regional Məhkəməsinin qərarı ilə "üsyanı təşkil etmək" və "vəzifə səlahiyyətlərindən sui-istifadə etmək" ittihamları ilə həbs edilmiş, martın 7-də həbs qərarına etirazının qəbul edilməsi ilə azadlığa buraxılmasına qərar verilmişdi.

Bundan sonra o barəsində iyulun 9-da ikinci dəfə həbs qərarı çıxarılmışdı.

24 saat