Canlı yayımda faciə: Məşhur fenomen minlərin gözü önündə vəfat etdi

CANLI YAYIM ZAMANI DƏHŞƏTLİ ÖLÜM

Raphael Graven, internet yayımçısı kimi tanınan Jean Pormanove, 17 avqust bazar günü gecəsindən 18 avqust bazar ertəsi səhərinə keçən vaxtda Fransa’nın Nitsa şəhəri yaxınlığındakı Kont ərazisində apardığı canlı yayım zamanı yuxuda ikən həyatını itirib. Hadisə zamanı dostu əvvəlcə uzaqdan bir plastik şüşə atıb, sonra onun yanına yaxınlaşaraq vəziyyətini yoxlayanda acı həqiqətlə üzləşib. Bu anlardan sonra yayım qəfildən dayandırılıb.

HƏYƏCANLI VİDA

Qravenin ölüm xəbərini yaxın dostu və həmkarı internet yayımçısı Oven Cenazandotti, Instagram hesabından elan edib. Cenazandotti, “Hamınızdan onun xatirəsinə hörmət etməyi və son anlarını paylaşmamağınızı xahiş edirəm. Altı ildir ki, yan-yana, heç ayrılmadan… Səni çox darıxacağıq” sözləri ilə vida edib.

ARAŞDIRMA BAŞLAYIB

Nitsa prokurorluğu, ölümün səbəbini müəyyən etmək məqsədilə araşdırma başladıb və meyitin yarılmasına qərar verib. Rəsmilər indiyədək heç bir şübhəli vəziyyətlə qarşılaşmadıqlarını bildiriblər.

KEÇMİŞ YAYIMLARDA ŞİDDƏTƏ MƏRUZ QALMASI

Qravenin əvvəllər iştirak etdiyi canlı yayımlarda şiddətə məruz qaldığı görüntülər ortaya çıxmışdı. “Le Parisien” qəzetinin məlumatına görə, onun digər internet yayımçıları tərəfindən döyüldüyü, boğulduğu və paintball silahı ilə vurulduğu anlar sosial mediada paylaşılmışdı.

HÖKUMƏTDƏN REAKSİYA

Fransanın Rəqəmsal Keçid Naziri Klara Çappaz, baş verənləri “tam dəhşət” kimi qiymətləndirib. Çappaz, onlayn platformaların qanunsuz məzmunun yayılmasının qarşısını almaq öhdəliyinə diqqət çəkərək, “Belə bir uğursuzluğa heç bir yerdə yer yoxdur” ifadələrini işlədib.

24 saat