ChatGPT-nin fəaliyyəti dayandı: OpenAI rəsmi məlumat yaydı

ChatGPT qlobal miqyasda sıradan çıxdı: OpenAI rəsmi məlumat yaydı

Dünyanın ən çox istifadə olunan süni intellekt platforması olan ChatGPT-də irimiqyaslı texniki nasazlıq qeydə alınıb. İstifadəçilər platformaya giriş etməkdə və sorğularına cavab almaqda ciddi problemlərlə qarşılaşıblar.

Yaranan problem yalnız müəyyən regionlarla məhdudlaşmayıb. ABŞ, Avropa dövlətləri, Hindistan və Yaponiya da daxil olmaqla, dünyanın bir çox yerində istifadəçilər sistemin fəaliyyətinin dayandığını bildiriblər.

Platformanın sahibi olan OpenAI şirkəti nasazlığı təsdiqləyib. Rəsmi açıqlamada sistemdə kəsintilərin baş verdiyi və mütəxəssislərin problemin həlli istiqamətində dərhal tədbirlərə başladıqları vurğulanıb.

Texniki nasazlığın konkret səbəbi hələlik açıqlanmayıb. Şirkət mühəndislərinin sistemin yenidən stabil çalışması üçün problemin kök səbəbini araşdırdıqları və təmir işlərinin davam etdiyi bildirilib.

Qeyd edək ki, ChatGPT milyonlarla insan tərəfindən gündəlik iş və təhsil prosesində istifadə olunduğu üçün bu cür kəsintilər qlobal miqyasda diqqət mərkəzindədir. İstifadəçilərə sistemin yenidən aktivləşməsi üçün bir müddət gözləmələri tövsiyə olunur.