David Hubert: "Qalatasarayın səhvlərindən yararlandıq"

UEFA Çempionlar Liqası'nın 5-ci turunda Belçika təmsilçisi Union Saint-Gilloise səfərdə Türkiyənin Qalatasaray komandasını 1-0 hesabı ilə məğlub edərək sürpriz nəticəyə imza atıb. Qarşılaşmadan sonra keçirilən mətbuat konfransında Union Saint-Gilloise-nin baş məşqçisi David Hubert qələbənin detallarını şərh edib.

David Hubert, "Çox xoşbəxtik. Oyunçularımızın göstərdiyi performansa görə çox məmnunam. Topa bir az daha yaxşı nəzarət edə bilərdik. Qalatasarayın zəif nöqtələrini daha effektiv istifadə edə bilərdik. Bu səviyyədə müəyyən mərhələləri aşmaq lazımdır. Bu gün daha mükəmməl oyun nümayiş etdirdiyimizi düşünürəm. Rəqibin zəif cəhətlərindən yararlandıq. Çətin bir matç oldu. Mükəmməl deyildik, amma Qalatasarayın evdəki 34 oyunluq məğlubiyyətsizlik seriyasına son qoyduq. Qələbə qazanmaq asan deyildi" - deyə bildirib.

Oyunçuların bütün güclərini meydanda sərgilədiyini vurğulayan Hubert, "Müdafiədə yaxşı olduğumuzu düşünürəm. Xüsusilə azarkeşlərin təzyiqi altında belə soyuqqanlı qala bildik. Oyunçularımız əllərindən gələni etdi. Hücumda isə daha çox cavab verə bilərdik. Xətlər arasında daha çox boşluq tapdıq və bu boşluqlardan daha yaxşı istifadə edə bilərdik. Rəqib arxası dönük vəziyyətdə çox boşluq buraxdı. Hər zaman təhlükəli ola bilməsək də, künc zərbələri və ya qol imkanları yaratmağı daha yaxşı bacarmalı idik. İkinci hissədə çox gözəl qol vurduq. Bəlkə də ikinci qolu da vura bilərdik, düşünürəm ki, vurmalı idik. Ən azından 3 xal qazandıq" - deyə fikirlərini bölüşüb.

Oyun planı olaraq hücum yönümlü bir komanda yaratdıqlarını qeyd edən David Hubert, "Bugünkü düşüncə daha hücumameyilli oyunçularla meydana çıxmaq idi. Oyun planımız hücum futbolu üzərində qurulmuşdu. Rəqibin ötürmələrini kəsib, Qalatasarayı cinahlara sıxışdırmağa çalışdıq. Əks-hücumlarda yaranan boşluqlardan istifadə etmək istədik" - deyərək sözlərini tamamlayıb.

24 saat