ABŞ prezidenti Donald Trampın iyulun 2-də İsrailin 60 günlük atəşkəs təklifini qəbul etdiyini elan etməsindən sonra Hamas və
İsrail nümayəndə heyətləri arasında dolayı görüşlər ötən gün Qətərin paytaxtı Dohada baş tutub.
Dohada Atəşkəs Müzakirələri Nəticəsiz Qaldı
Adı açıqlanmayan iki
Fələstin mənbəyi bu gün bildirib ki, Qətərdə keçirilən Hamas-İsrail atəşkəs görüşlərinin ilk raundu nəticəsiz başa çatıb. Mənbələr, İsrail nümayəndə heyətinin Hamasla razılığa gəlmək üçün kifayət qədər səlahiyyətə malik olmadığını vurğulayıb. Onların sözlərinə görə, "Dohadakı dolayı görüşlərin ilk iclasından sonra İsrail heyətinin Hamasla bir razılaşmaya nail olmaq üçün yetərli səlahiyyətinin olmadığı aşkar olunub."
Netanyahunun Səfəri Öncesi Bəyanatları
Hamas və İsrail arasındakı dolayı danışıqlar İsrailin baş naziri Binyamin Netanyahunun ABŞ prezidenti Donald Trampın səlahiyyətə gəlişindən bəri Ağ Evə üçüncü səfərindən əvvəl başlamışdı. Netanyahu təyyarəyə minməzdən əvvəl verdiyi açıqlamada, görüşlərdə iştirak edən İsrailli müzakirəçilərə ölkəsinin qəbul etdiyi şərtlər altında
atəşkəs razılaşmasına nail olmaq üçün dəqiq təlimatlar verildiyini bildirmişdi.
24 saat
