Dünyanın ən uzun evli cütlüyü 83 illik sirrini açıqladı

ABŞ-ın Miami şəhərində yaşayan bir cütlük, dünyanın ən uzunömürlü evliliyi titulu ilə diqqətləri özünə cəlb edib. 107 yaşlı Eleanor Gittens və 108 yaşlı həyat yoldaşı Lyle Gittens, bu uğuru "sadəcə bir-birimizi sevdik" deyərək təvazökar şəkildə izah ediblər.

SEVGİNİN SİRRİ

LongeviQuest adlı uzunömürlülük araşdırma platformuna xoşbəxt evlilikləri barədə açıqlamalar verən Gittens cütlüyü, 83 illik evliliklərinin sirri ilə bağlı suala bənzər cavablar verib.

Eleanor Gittens sualı "Bir-birimizi sevirik" deyə cavablandırarkən, Lyle Gittens eyni suala "Mən həyat yoldaşımı sevirəm" deyərək cavab verməyə üstünlük verib.

LongeviQuest-in qlobal təsdiqləmə komissiyası tərəfindən cütlüyün 1942-ci il tarixli evlilik sənədi, ABŞ əhali qeydləri və arxiv sənədləri yoxlanılaraq, Gittens cütlüyünün dünyanın ən uzunömürlü evliliyinə sahib cütlük olduğu təsdiqlənərək rəsmiləşib.

LongeviQuest-in 4 noyabr tarixli açıqlamasına görə, Gittens cütlüyü bu titulu, oktyabr ayında həyatını itirən Braziliyalı Manoel Angelim Dinodan (106) və həyat yoldaşı Maria de Sousa Dinodan (102) alıb. Əvvəlki cütlüyün ölümü ilə titul yeni sahiblərinə ötürülüb.

ONLAR NECƏ TANIŞ OLDULAR?

Lyle və Eleanor ilk dəfə 1941-ci ildə Clark Atlanta Universitetində tələbəlik illərində tanış olublar.

Lyle basketbol komandasında idi və Eleanor, komandanın şəhərlərarası rəqibi Morehouse College-ə qarşı oynadığı oyunda tamaşaçılar arasında idi. Lyle-ı ilk dəfə o gün gördüyünü xatırladığını deyən Eleanor da həmin oyunu izləyən tamaşaçılar arasında yer alırdı.

O gün tanış olan cütlüyün əlləri bir daha ayrılmadı. Cütlük qısa müddət ərzində evlənmək qərarına gəldi. Lakin Lyle-ın İkinci Dünya Müharibəsi səbəbindən hərbi xidmətə çağırılacağı dəqiqləşmişdi. İkili, Lyle-ın Georgia-dakı bir hərbi təlim düşərgəsindən aldığı üç günlük icazəsi zamanı, 4 iyun 1942-ci ildə Florida ştatının Bradenton şəhərində evlənib.

24 saat