Fenerbahçe kolumbiyalı Jhon Duranın transferində nəhayət ki, müsbət nəticə əldə etmək üzrədir. 21 yaşlı hücumçu, baş məşqçi Joze Mourinyo ilə görüşdükdən sonra İstanbul təmsilçisinə "Hə" cavabını verib. Klub Jhon Duranı 1 və ya 2 illik icarə əsasında heyətinə qatacaq. Müqavilədə satınalma opsiyası da mövcuddur.
Transferin Maliyyə Şərtləri
Klub Duran üçün "Əl Nəsr"ə 7 milyon avro icarə haqqı ödəyəcək. Kolumbiyalı ulduz futbolçunun əmək haqqının 10 milyon avroluq hissəsini Fenerbahçe, qalan 8 milyon avronu isə "Əl Nəsr" klubu qarşılayacaq. Müqavilədə çempionluq və Avropa turnirlərindəki uğurlar üçün bonuslar da yer alır. Yalnız çempionluq bonusu 1.5 milyon avro təşkil edir.
Davinson Sanchezdən Tövsiyə
Onun vəkilləri hazırlanan müqaviləni son dəfə nəzərdən keçirdikdən sonra kolumbiyalı oyunçu sənədləri imzalayacaq. İstanbul klubunun potensial transferi, Qalatasarayın ulduzu Davinson Sançezlə də görüş keçirib. Sançez Duran'a "Fenerbahçeyə gəl. Türkiyə Liqası çox keyfiyyətlidir. Burada gözəl bir həyat sürə bilərsən" şəklində müsbət rəy verərək onu bu keçidə həvəsləndirib.