Elon Maskın Epsşteynə səfər təklifi məktubu aşkarlandı

Elon Mask və Cefri Epşteyn əlaqəsi ilə bağlı yeni iddialar

Jeffrey Epstein - Elon Maskın Epsşteynə səfər təklifi - Amerika Birləşmiş Ştatlarının iş adamı Elon Maskın, yetkinlik yaşına çatmamış qız uşaqlarına qarşı cinsi istismar və fahişəlik şəbəkəsi qurmaq cinayətləri ilə həbsdə mühakimə olunarkən kamerasında ölü tapılan milyarder Cefri Epşteynə məxsus Karib dənizi regionundakı adalara səfər təşkil etmək üçün onunla əlaqə qurduğu iddia edilib.

ABŞ Ədliyyə Nazirinin müavini Todd Blanş, Epşteyn haqqındakı istintaqla bağlı 3 milyondan çox yeni sənədi ictimaiyyətlə paylaşdığını bildirdikdən sonra ABŞ mətbuatı sənədlərin detallarını araşdırmağa başlayıb.

"Ziyarət üçün uyğun vaxt varmı?"

CNN-in Nazirliyin dərc etdiyi sənədlərə istinadən verdiyi xəbərə görə, Elon Mask 13 dekabr 2013-cü ildə göndərdiyi elektron poçtda Epşteynə ünvanlanaraq, "Tətillərdə Britaniya Vircin Adaları/Sent Bart bölgəsində olacağam. Ziyarət üçün uyğun bir vaxt varmı?" ifadəsini istifadə edib.

Cefri Epşteyn isə iki gün sonra verdiyi cavabda yeni ilin əvvəllərinin uyğun olacağını qeyd edərək, "Yanvarın 1-dən 8-dək hər hansı bir gün. Vəziyyətə uyğun qərar verin. Sizin üçün həmişə yer var," deyib. Digər bir elektron poçtda isə Cefri Epşteyn "(Yanvarın) 2-si və ya 3-ü əla olar. Gəlib sizi götürəcəyəm," sözlərini yazıb.

Elon Mask verdiyi cavabda əvvəlcə yanvarın 2-si axşam Los-Ancelesə geri uçmalı olduğunu bildirib, lakin gedişini bir gün təxirə sala biləcəyini qeyd edərək, Epşteyndən "2-də sizin adanıza nə vaxt gəlməliyik?" deyə soruşub.

"Daha əvvəl üzə çıxmamış bir ünsiyyət səviyyəsi"

CNN-in xəbərində, sözügedən elektron poçtlardan Elon Maskın nəticədə adaya səfər edib-etmədiyi dəqiq anlaşılmır, lakin yazışmaların ikili arasında "daha əvvəl üzə çıxmamış bir ünsiyyət səviyyəsini göstərdiyi" iddia edilib.

Elon Mask daha əvvəl Epşteynin Karib dənizi regionunda cinsi istismar və fahişəlik şəbəkəsi daxil fəaliyyətləri üçün sahib olduğu adaları ziyarət etdiyi iddialarına qarşı verdiyi açıqlamada, "Epşteyn məni adasına aparmağa çalışdı və mən rədd etdim," demişdi.

ABŞ Ədliyyə Nazirinin müavini Blanş, 30 yanvarda keçirdiyi mətbuat konfransında, Epşteyn haqqındakı istintaqla bağlı 3 milyondan çox yeni sənədi dərc edərək, ictimaiyyətin əlçatanlığına verdiyini bildirmişdi.

Milli mətbuatda Cefri Epşteynin Karib dənizi regionunda ABŞ-a məxsus Vircin Adalarında yerləşən "Little St. James" və "Great St. James" adalarını cinsi istismar və fahişəlik şəbəkəsi daxil fəaliyyətləri üçün alaraq istifadə etdiyi və bu adaların ictimaiyyətdə "Epşteynin Karib dənizindəki cinayət adaları" olaraq tanındığı bildirilmişdi.

Cefri Epşteyn işi

Ən kiçiyi 14 olmaqla 18 yaş altındakı onlarla qız uşağına cinsi istismar törətmək və fahişəlik şəbəkəsi yaratmaq ittihamı ilə mühakimə olunan Cefri Epşteyn, həbsdə olduğu Nyu-York Manhetten Metropolitan Mərkəzi Həbsxanasındakı kamerasında 10 avqust 2019-cu ildə ölü tapılmışdı.

Açıqlanan Cefri Epşteyn məhkəmə sənədlərində Şahzadə Endryu, ABŞ Prezidenti Tramp, keçmiş ABŞ Prezidenti Bill Klinton, keçmiş İsrail Baş naziri Ehud Barak, keçmiş ABŞ Vitse-prezidenti Al Qor, aktyor Kevin Speysi, müğənni Maykl Cekson, illüziyonist David Kopperfild, vəkil Alan Derşovits və keçmiş Nyu-Meksiko Valisi Bill Riçardson kimi tanınmış şəxslərin adları yer almışdı.

ABŞ Federal Təhqiqatlar Bürosu (FTB) da ABŞ Ədliyyə Nazirliyi ilə apardığı yoxlamanın nəticəsində, tanınmış şəxslərdən ibarət "müştəri siyahısının" tutulduğuna dair hər hansı bir dəlilə rast gəlinmədiyini, aralarında hökumət rəsmiləri, məşhurlar və iş adamlarının da olduğu şəxslərin cinayətinə ortaq olduğu iddiası ilə üstü örtülmək məqsədilə öldürüldüyü irəli sürülən Epşteynin isə əslində kamerasında intihar etdiyi qənaətinə gəlindiyini açıqlamışdı.

24 saat