Ən Nəsiri Kadıköydə 17 saniyə içində heyran etdi

Fənərbaxçalı Yussuf Ən-Nəsiri "Feyenoord"la oyunda mövsümün ilk qol sevincini yaşadı.

Ən-Nəsirinin qolu Fənərbaxçanı sevindirdi

UEFA Çempionlar Liqası 3-cü təsnifat mərhələsinin cavab matçında "Fənərbaxça" "Feyenoord"u 5:2 hesabı ilə məğlub edərək qrup mərhələsinə vəsiqə qazanmaq üçün mühüm addım atdı. Komandanın faslı hücumçusu Yussuf Ən-Nəsiri bu qələbədə mühüm rol oynadı.

Ötən mövsüm "Fənərbaxça"nın ən məhsuldar oyunçusu (30 qol) olan Ən-Nəsiri bu mövsümdə də ikinci rəsmi matçında fərqlənməyi bacardı. 28 yaşlı futbolçu ilk qolunu "Kadıköy"də azarkeşlərinin önündə vurdu.

Əvvəl topu çıxardı, sonra qolu vurdu

Matçın 83-cü dəqiqəsində Arçi Braunun sol cinahdan təşkil etdiyi hücumda Yussuf Ən-Nəsiri arxa dirəkdə toxunuşla topu qapıdan keçirdi. Hesab 3:1 olarkən müdafiəyə köməyə gələn Ən-Nəsiri cəmi 17 saniyə ərzində topu müdafiədən çıxarıb rəqib cərimə meydançasına qaçdı.

Sol tərəfdən gələn ötürməni yaxşı izləyən faslı ulduz qapıçının hərəkət edəcəyi küncü təxmin edərək topu digər küncə göndərdi və olduqca ağıllı qol vurdu. "Kadıköy"də hesabı 4:1-ə çatdıraraq "Kanarya"nı rahatlaşdıran Ən-Nəsirinin 17 saniyə ərzində həm müdafiədən topu çıxarması, həm də qol vurması sosial mediada azarkeşlərin böyük rəğbətini qazandı.

24 saat