EuroLeague irqçi pankarta görə cəza verdi

EuroLeague Partizanı cərimələdi

Serbiya təmsilçisi Partizan, EuroLeague-in 12-ci turunda baş tutan Fenerbahçe Beko matçında serb azarkeşlərinin açdığı irqçi pankart səbəbindən 40 min avro məbləğində cərimələnib.

EuroLeague-dən yayımlanan açıqlamada, "Partizan Belqrad azarkeşlərinin Fenerbahçe Beko oyunu zamanı törətdiyi çoxsaylı hadisələrə görə klubun 40 min avro məbləğində cərimələnməsinə və ev oyunlarının stadion tutumunun 80%-i ilə məhdudlaşdırılmasına qərar verilib" ifadələrinə yer verilib.

EuroLeague qismən azarkeşsiz oynama cəzasının 2025-26 mövsümü boyunca şərti olaraq təxirə salındığını, lakin klubun qaydaları pozması halında bu cəzanın tətbiq olunacağını bildirib.

Fenerbahçe şikayət etmişdi

EuroLeague-in 12-ci turunda Fenerbahçe Beko-nun səfərdə Partizanı 99-87 hesabı ilə məğlub etdiyi matçda serb azarkeşləri, 1389-cu ildə baş verən I Kosovo savaşında Osmanlı sultanı I Murad'ı xəncərləyərək şəhid edən Miloš Obiliçi təsvir edən bir pankart asmışdı.

Tribunlarda dəqiqələr boyunca türklər əleyhinə şüarlar səsləndirilərkən açılan qalmaqallı pankart böyük etiraza səbəb olmuşdu.

Fenerbahçe Basketboldan Məsul İdarə Heyətinin üzvü Cəm Ciritiçi, baş verən iyrənc hadisə ilə bağlı lazımi yerlərə şikayət etdiklərini, lakin səlahiyyətlilərin bütün xəbərdarlıqlara baxmayaraq iyrənc pankartın asılmasına icazə verdiyini bildirmişdi.

24 saat