Fəza Gəmisi Yaxınlaşır: Son Dəqiqə Xəbərləri

Yadplanetlilərin mübahisəsi yeni təkan aldı

Yadplanetlilərin mövcudluğu ilə bağlı mübahisələr son zamanlar yeni bir təkan alıb. Sosial mediada yayılan iddialara görə, düşmən yadplanetlilərin olduğu bir kosmik gəmi Yerə yaxınlaşır. Bu iddialar, astronomların iyulun 1-i gecəsi Günəşə doğru yüksək sürətlə irəliləyən qeyri-adi bir göy cismini aşkar etməsi ilə əsaslandırılır. Sosial şəbəkə mesajlarında konkret tarix verilərək, Yer kürəsindən kənar həyat formalarının 2025-ci ilin noyabrında Yerə çatmaq üçün sürətlə hərəkət etdiyi irəli sürülür. Bu yadplanetlilərin filmlərdəki kimi qardaş və ya dost olmadığı, əksinə, düşmən olduqları bildirilir.

Fiziklər də iddiaları dəstəkləyir

Euronews-də yayımlanan məlumata görə, 3I/ATLAS adlandırılan bu sürpriz qonağın orbiti, onun Günəş Sistemindən kənardan gələn "ulduzlararası" bir obyekt olduğunu göstərir. Astronomlar 3I/ATLAS-ın bir quyruqlu ulduz olduğunu güman etsələr də, bir məqalədə üç fizik bu obyektin əslində Yer kürəsindən kənar həyata aid ola biləcəyini müdafiə edib. Sürətlə yayılan bu məqalə ilə bağlı xəbərlər sosial mediada təkamül edərək yadplanetlilərin noyabr ayında Yer kürəsini işğal edəcəyi ilə bağlı fərziyyələrə çevrilib.

Sürət rekordçusu: 3I/ATLAS

Kosmik gəmi olduğu iddia edilən və 3I/ATLAS adlandırılan sirli obyekt ən sürətli göy cisimidir. Euronews-un məlumatına əsasən, 3I/ATLAS Günəş Sisteminin ilk kənar ziyarətçisi deyil. Lakin o, saatda 245 min km sürətlə hərəkət edir ki, bu da Günəş Sistemində aşkar edilmiş ən yüksək sürətdir. Həmçinin onun 20 km ölçüsündə nəhəng bir kütlə olduğu bildirilir. ABŞ-ın kosmik agentliyi NASA-nın mesajında da "3I/ATLAS quyruqlu ulduzu buralı deyil. Günəş Sistemindən kənardan gəlib" deyə qeyd olunub.

Kəşfiyyat gəmisi ehtimalı

Harvard Universitetinin astrofiziki Avi Loeb ciddi bir xəbərdarlıq edib: "3I/ATLAS inkişaf etmiş bir sivilizasiya tərəfindən göndərilmiş bir kəşfiyyat aparatı ola bilər. Əgər bu fərziyyə doğru çıxarsa, bəşəriyyət üçün dəhşətli nəticələr yarana bilər."

Əks arqument: Adi quyruqlu ulduz

Kosmik gəmi iddiasına qarşı çıxanlar, sirli cismin sadəcə bir quyruqlu ulduz olduğunu müdafiə edirlər. Astronom Daril Seliqman deyib: "Bütün məlumatlar bunun başqa bir ulduz sistemindən gələn bir quyruqlu ulduz olduğunu göstərir."

24 saat