Fənərbaxça UEFA-ya hakim qərarları ilə bağlı rəsmi müraciət etdi

Türkiyənin Fənərbaxça klubu, UEFA Avropa Liqasının dördüncü turunda Çexiyanın Viktoria Plzen komandası ilə keçirilən oyunda baş verən hakimsizlik iddiaları ilə bağlı UEFA-ya rəsmi şikayət edib. Klub, matçın idarə olunmasında qərəzlilik olduğunu və bəzi qərarların nəticəyə birbaşa təsir etdiyini bildirib.

Matçın son dəqiqələrində baş verməsi gözlənilən penaltinin təyin edilməməsi, Fənərbaxça rəhbərliyini və azarkeşlərini olduqca qəzəbləndirib. Klub, hakimin qərarlarına etiraz olaraq dərhal UEFA-ya rəsmi müraciət edib və lazımi sənədləri təqdim edib.

Fənərbaxça klubunun rəsmi saytında yayımlanan açıqlamada bildirilir: "Futbol A Komandamızın UEFA Avropa Liqasının 4-cü həftəsində oynadığı Viktoria Plzeň FK matçında, matçın hakimi Allard Lindhout’un idarəçiliyi və qərarları ilə bağlı olaraq UEFA’ya rəsmi müraciətimizi etmişik."

Klub, şikayət məktubunda hakimin matç boyu göstərdiyi idarəetmə tərzini və qərəzli qərarlarını əsaslandıraraq, bu qərarların matçın nəticəsinə birbaşa təsir etdiyini vurğulayıb. UEFA-dan bu məsələni ciddi və təcili şəkildə araşdırması tələb edilib. Fənərbaxça rəhbərliyi, prosesin UEFA tərəfindən rəsmi olaraq başladıldığını və gələcək mərhələlər barədə ictimaiyyətə məlumat veriləcəyini qeyd edib.

24 saat