Fahriye Evcen və Burak Özçivit oğullarının xoş gününü qeyd etdi: 'Yolun həmişə açıq olsun, oğlum'

Ünlü Cütlüyün Ailə Həyatı

Məşhur aktyor Burak Özçivit və Fahriye Evcen 2016-cı ildə evlənərək ailə həyatı qurmuşdu. Cütlük 2019-cu ildə ilk övladları Karanı, 2023-cü il yanvarın 18-də isə ikinci oğulları Keremi qucaqlarına almışdı. Onların ailə həyatı mətbuatın və tamaşaçıların diqqət mərkəzindən düşməmiş, hər addımları geniş müzakirələrə səbəb olmuşdu.

Ayrılıq İddiaları və Cütlüyün Cavabı

Ötən həftə Fahriye Evcenin sosial şəbəkələrdəki addımı yenidən gündəmi zəbt etmişdi. Aktrisa "Instagram" profilindən soyadını sildikdən sonra ayrılıq iddiaları sürətlə yayılmağa başlamışdı. Lakin cəmi bir neçə saat sonra Evcen soyadını yenidən "Özçivit" olaraq geri qaytarmışdı. Boşanma şayiələrinin ardınca, aktyor cütlük avtomobilin içində çəkilmiş xoşbəxt fotolarını "Instagram" hesablarında paylaşaraq, bu iddiaları yalanlamışdı.

Karanın Məktəb Sevinci

Burak Özçivit və Fahriye Evcen bu dəfə xoş xəbərlə gündəmə gəliblər. Cütlük oğulları Karanın ibtidai məktəbə qeydiyyatını həyata keçirib. Qeydiyyatdan sonra ailəlikcə çəkdirdikləri şəkillər sosial media platformalarında böyük marağa səbəb olub. Fahriye Evcen paylaşdığı fotonun altına, "Oğlum, yolun həmişə açıq olsun. Səni çox sevirik" qeydini əlavə edib.

24 saat