Federasiya prezidentinə İsraildən qadağa məktubu

İtaliya Futbol Federasiyasına çağırış: İsrailin beynəlxalq turnirlərdən kənarlaşdırılması tələbi

İtaliya Antrenörlər Birliyindən FIFA və UEFA-ya müraciət

İtaliya Antrenörlər Birliyi (AIAC), Qəzzada baş verən hadisələrə biganə qalmamaq üçün təşəbbüs irəli sürüb. Birlik, İtaliya Futbol Federasiyasının (FIGC) rəhbəri Qabriele Qravinaya müraciət edərək, FIFA və UEFA-ya İsrailin beynəlxalq yarışlardan müvəqqəti olaraq uzaqlaşdırılması üçün çağırış etməyi tələb edib.

"Bu, mənəvi bir zərurətdir"

AIAC-ın bu tələbi, ANSA agentliyinin yaydığı məlumata əsasən, sadəcə "simvolik bir addım deyil", həm də birliyin rəhbəri Renzo Ulivyerinin rəhbərliyi altında "mənəvi bir zərurət" kimi qiymətləndirilir.

"İnsanlıq dəyərləri bizi hərəkətə keçməyə vadar edir"

AIAC sədri Ulivieri, mövzu ilə əlaqədar verdiyi açıqlamada, "İdmanın təməlini təşkil edən insanlıq dəyərləri, bizi dəhşətli nəticələrə yol açan təzyiq hərəkətlərinə qarşı çıxmağa məcbur edir" deyə vurğulayıb.

Qeydsizlik qəbuledilməzdir

Birliyin sədr müavini Roberto Perondi isə vəziyyətin ciddiyyətini qeyd edərək, "Dünya alovlar içindədir. Fələstinlilər kimi bir çox insan əziyyət çəkir. Qeydsizlik qəbuledilməzdir" fikrini ifadə edib.

İtaliya və İsrail arasında Dünya Kuboku oyunu

Qeyd edək ki, İtaliya milli futbol komandası, 2026 FIFA Dünya Kuboku seçmə mərhələsində sentyabrın 8-də və oktyabrın 14-də İsrail ilə qarşılaşacaq.

24 saat