Feyza Civelekə 1 dəqiqəlik görüş üçün 100 min TL təklif edilib

Feyza Civelek haqsızlıq ittihamlarına cavab verdi

Kızılcık Şerbeti serialının ssenaristi Melis Civelekin qızı Feyza Civelek uzun müddətdir ki, sosial mediada anasının nüfuzundan sui-istifadə etməsi ilə bağlı ittihamlarla üzləşir. Aktrisa bu iddialara kəskin reaksiya verərək, özünü müdafiə edən açıqlamalarla çıxış edib.

Tənqidlərə cavab olaraq Civelek bildirib ki, "Əgər sənin də anan ssenari yazsa, sən də rollarda oynayarsan. Əvvəlcə sən özün bir aktyor ol, sonra danış." O, seriala daxil olarkən, anası ssenarist olmasına baxmayaraq, haqsızlığın qarşısını almaq üçün kastinglərdə iştirak etdiyini vurğulayıb. Aktrisa "Bilib-bilmədən danışan insanlardan artıq bezmişəm," deyə narazılığını dilə gətirib. Həmçinin əlavə edib ki, "Hazırda ən populyar obraz Nilaydır. Nilaysız bir Kızılcık Şerbeti təsəvvür etmək mümkün deyil. Əgər serialı bərbad etdiyimi düşünürsünüzsə, bu artıq sizin zövqsüzlüyünüzdür."

Aktrisadan təəccüblü iddia: 100 min lirəlik "görüş" təklifi

Qeyd edək ki, sözügedən serialdan ayrılan demək olar ki, hər bir aktyorun Feyza Civeleki sosial media hesabından silməsi də diqqətdən yayınmayıb. Son zamanlar isə aktrisa qatıldığı bir televiziya proqramında etdiyi açıqlama ilə yenidən gündəmə gəlib. Bildirib ki, "Sosial mediada bir nəfər məni cəmi bir dəqiqə görmək üçün 100 min Türk lirəsi təklif etmişdi." Bu iddia ictimaiyyətdə geniş müzakirələrə səbəb olub.

24 saat