Formula 1-də çempionun adı açıqlana bilər

Formula 1-də Qətər Qran Prisi həyəcanı

Qətərin 5,4 kilometrlik Lusail Beynəlxalq Trasında keçiriləcək və 57 dövrədən ibarət olacaq yarışın sprint turu sabah Bakı vaxtı ilə saat 17:00-da, sıralama turları isə saat 21:00-da baş tutacaq. Böyük yarış isə 30 noyabr, bazar günü saat 19:00-da start götürəcək.

Sezonun sonuna iki yarış qalmış McLaren pilotları Lando Norris və Oskar Piastri ilə son 4 ilin çempionu Red Bull pilotu Maks Ferstappen arasında gərgin mübarizə gözlənilir.

Norrisin çempionluq şansı: Sadə hesablamalar

Karyerasında ilk çempionluğunu hədəfləyən britaniyalı Norris 390 xalla pilotlar klasifikasiyasında zirvədədir. Avstraliyalı Piastri və niderlandlı Ferstappen isə 366 xalla Norrisin səhvini gözləyir.

Sezonun son bölümündə böyük bir yüksəliş əldə edən və komanda yoldaşından liderliyi alan 26 yaşlı Norris, Qətərdə Piastri və Ferstappendən iki xal çox toplasa, mövsümün son yarışını gözləmədən Lusaildə çempionluq turu ata bilər.

Norris, həmçinin sabah sprint yarışını ilk 7-likdə tamamlasa və bazar günü də podiumun zirvəsinə çıxsa, Piastri və Ferstappenin nəticələrindən asılı olmayaraq çempionluğunu elan edəcək.

Norris bazar günü yarışı qazansa və digər pilotlarla xal bərabərliyi olsa belə, bu mövsüm daha çox etap qələbəsi qazandığı üçün çempionluğa yüksələcək.

Qətər Qran Prisi öncəsi pilotlar və komandalar klasifikasiyasında vəziyyət:

Lando Norris (Böyük Britaniya): 390 xal

Oskar Piastri (Avstraliya): 366 xal

Maks Ferstappen (Niderland): 366 xal

George Russell (Böyük Britaniya): 294 xal

Şarl Lekler (Monako): 226 xal

24 saat