Hakan Çalhanoğlu penaltini qaçırdı, komandası məğlub oldu

Milan İnteri derbisində Pulisicin qolu

İtaliya A Seriyasının 12-ci turunda Milan, İnteri 1-0 hesabı ilə məğlub edib. Cüzeppe Meazza Stadionunda baş tutan qarşılaşmanın ilk hissəsində qol səsi eşidilməsə də, Milan 54-cü dəqiqədə Kristian Pulisicin qolu ilə önə keçdi.

Hakan Çalhanoğlunun penaltı zərbəsi və oyundan çıxarılması

Oyunun 73-cü dəqiqəsində penaltı qazanan İnterdə Türkiyə milli komandasının oyunçusu Hakan Çalhanoğlunun zərbəsini qapıçı Mike Maignan dəf edib. Milan qarşılaşmadan 1-0 üstün ayrılıb. Hakan Çalhanoğlu penaltını qaçırdıqdan 4 dəqiqə sonra oyundan alınıb və yerini Zielinskiyə verib.

Hakan Çalhanoğlunun penaltı zərbəsi İtaliya mətbuatında

Hakan Çalhanoğlunun penaltı zərbəsindən yararlana bilməməsi İtaliya mətbuatında da geniş əks-səda doğurub. Təcrübəli futbolçunun İnter forması ilə ikinci dəfə penaltı qaçırdığı xatırladılıb. İtaliya mətbuatında Çalhanoğlunun qaçırdığı digər penaltının da noyabr ayında olduğu vurğulanıb. Türkiyə millisinin futbolçusu 10 noyabr 2024-cü ildə 1-1 başa çatan İnter-Napoli matçında penaltıdan yararlana bilməmişdi.

A Seriyasında lider dəyişikliyi: Roma zirvədə

Günün digər matçında Roma, səfərdə Kremonezeni 3-1 hesabı ilə məğlub edib. Bu nəticələrdən sonra Roma 27 xalla liderliyə yüksəlib, Milan 25 xal və əlavə göstəricilərlə ikinci sıraya yüksəlib. İnter isə 24 xalla dördüncü sıraya geriləyib. Beləliklə, A Seriyasında liderlik yarışı daha da qızışıb.

24 saat