Dünya Kubokunun seçmə mərhələsinin L qrupunda Xorvatiya millisi Monteneqroya səfər edib. Dramatik keçən qarşılaşmada 2-0 hesabı ilə geriyə düşən Xorvatiya millisi, oyunu 3-2 hesabı ilə qələbə ilə başa vurmağı bacarıb. Bu nəticə ilə Xorvatiya 22 xalla qrupun lideri olaraq Dünya Kubokuna birbaşa vəsiqə qazanıb.
Hakimin VAR qərarları oyuna damğa vurdu
Görüşü türkiyəli hakim Halil Umut Meler idarə edib. Oyunda VAR yoxlamasından sonra verilən penalti və ofsayt qərarları gecənin ən çox müzakirə edilən məqamları olub.
Meler əvvəl qərarı dəyişdi
Oyunun 34-cü dəqiqəsində Xorvatiyanın sağ cinahdan təşkil etdiyi hücumda Kristijan Jakiç rəqibinin müdaxiləsi nəticəsində yerə yıxılıb. Halil Umut Meler əvvəlcə korner işarəsi versə də, VAR müdaxilə edib. Pozisiyanı təkrar izlədikdən sonra Meler qərarını dəyişərək penalti təyin edib.
Qol sayıldı
72-ci dəqiqədə Petar Musanın zərbəsi dirəkdən geri qayıdıb və topu Kristijan Jakiç tamamlayıb. Yan xətt hakimi Bora Özkara ofsayt bayrağını qaldırsa da, VAR yoxlamasından sonra qol etibarlı sayılıb. Bu qərar Xorvatiyanın qələbəyə gedən yolda kritik anlarından biri kimi tarixə düşüb.
Oxucu Şərhləri
Hələlik heç bir şərh yazılmayıb. İlk şərhi siz yazın!
Şərh Yaz