Hülya Avşar Merve Taşkın haqda: Təşviq deyil, xəbərdarlıq

Hülya Avşar və sosial media fenomeni Merve Taşkın barəsində onların YouTube proqramında səsləndirilən ifadələrə görə fuhuşa təşviq, əxlaqsızlıq və cinayəti tərifləmə ittihamları ilə prokurorluğa şikayət ərizəsi təqdim edilib.

Mərvə Taşkının sözləri mübahisə doğurdu

Şikayətdə Merve Taşkının Hülya Avşarla söhbəti zamanı "fuhuşun asan pul qazanma yolu olduğu, dəbdəbəli həyat tərzi təmin etdiyi və bu yaşayışın təşviq ediləcək tərəflərinin olduğu" kimi bir təsəvvür yaratdığı iddia olunur. Həmçinin, Hülya Avşarın Taşkını dəstəklədiyi qeyd edilərək, həmin videonun yayımına qadağa qoyulması tələb edilib.

Prokurorluq tərəfindən bu iddiaların ciddi şəkildə araşdırılması gözlənilir.

Hülya Avşardan ittihamlara sərt cavab

Bu iddialarla bağlı Hülya Avşar öz sosial media hesabında açıqlama yayıb: "YouTube kanalıma qonaq kimi dəvət etdiyim Merve Taşkının peşəsini təşviq etdiyimə dair yayılan xəbərləri qətiyyən qəbul etmirəm." Avşar bildirib ki, proqram zamanı məqsədi "gənclərin sosial media üzərindəki bəzi təhlükələrinə diqqət çəkmək və maarifləndirmək" olub. O, əlavə edib: "Burada hər hansı bir təşviqdən söhbət getmir, əksinə, bir xəbərdarlıq var. Buna görə də əslində gözlədiyim təşəkkürdür."

24 saat