Hülya Avşar və Merve Taşkın barədə şikayət

Merve Taşkının efirdəki açıqlamaları ictimai reaksiyaya səbəb olub

Türkiyənin populyar televiziya simalarından Hülya Avşarın hər həftə məşhur qonaqları ilə apardığı proqramına ötən aylarda bloger Merve Taşkın dəvət edilmişdi. Gənc blogerin efirdə səsləndirdiyi ifadələr geniş ictimaiyyət tərəfindən qətiyyətlə pislənilib. Onun fahişəliyi təbliğ edən, Türkiyənin ailə dəyərlərini və ümumi əxlaq normalarını hədəf alan sözlər işlətdiyi iddiası ilə proqramın aparıcısı və Merve Taşkın barəsində cinayət işi açılması üçün şikayət ərizəsi verilib.

YouTube yayımları ilə bağlı ittihamlar

Həmin video ilə bağlı təqdim olunan şikayət ərizəsində göstərilir ki, proqramın aparıcısı və qonağı “YouTube” video paylaşım platformasında yayımlanan verilişdə bir araya gəliblər. Milyonlarla insanın izləyə biləcəyi bu yayımda, Merve Taşkının fahişəlik fəaliyyəti çərçivəsində qiymətləndirilən bir həyat tərzi sürdüyü ima edilib. Bu vəziyyət, proqramın aparıcısı Hülya Avşar tərəfindən tərifləyici, həvəsləndirici və normallaşdırıcı ifadələrlə dəstəklənmişdir.

24 saat