Mauro Icardi'nin Sevgilisinin İstanbul Yolçuluğu Gərgin Anlarla Başlayıb
“Qalatasaray”ın ulduz futbolçusu Mauro Icardi'nin yeni sevgilisi, argentinalı aktrisa və müğənni La China Suarezin Türkiyəyə gəliş yolçuluğu böyük gərginliklərə səhnə olub. Suarez ötən gün sevgilisi ilə birlikdə şəxsi təyyarə ilə İstanbula gəlməyə hazırlaşırdı. Lakin Türkiyəyə gətirmək istədiyi övladları ilə bağlı gözlənilməz bir maneə ilə üzləşib.
Övladların Ölkədən Çıxışına Qadağa
Məşhur aktrisanın əvvəlki nikahından olan övladları Amancio və Magnolia ilə birlikdə Türkiyəyə gəlməyi planlaşdırdığı, lakin keçmiş həyat yoldaşı Benjamin Vicunanın son anda verdiyi qərarla bu səyahətin baş tutmadığı ortaya çıxıb. Belə ki, Vicunanın daha əvvəl verdiyi ölkədən çıxış icazəsini qəflətən ləğv etdiyi öyrənilib.
La China Suarez-in Kəskin Reaksiyası
İddialara görə, bu hadisə Suarez-in böyük narazılığına səbəb olub. Aktrisanın bütün hazırlıqlarını tamamlayıb övladları ilə birlikdə səyahət etməyə hazırlaşdığı bir dövrdə gələn bu addım əsəbləri gərib.
Hüquqi Müstəvidə Adımlar Gözlənilir
Argentina mətbuatında yayılan xəbərlərə görə, Suarez keçmiş həyat yoldaşının icazəni ləğv etməsinə qarşı hüquqi yollara əl atmağı düşünür. Aktrisanın övladlarının ölkədən kənara səyahətinə mane olunduğu səbəbilə məhkəməyə müraciət etməyə hazırlaşdığı bildirilir. Məşhur cütlük Argentinada yaşanan ailəvi gərginlikdən sonra Türkiyəyə getmək üçün Ezeiza Hava Limanında görüntülənib.
Gərgin keçən bir günün ardından, keçmiş həyat yoldaşı Benjamin Vicunanın övladların ölkədən çıxmasına icazə verməməsi ilə böhran yaşayan Suarez, övladlarını Buenos Ayresdəki "Xəyallar Evi" olaraq bilinən Nordeltadakı evlərində bir dayəyə tapşırıb.
Hava Limanında Səssizlik Höküm Sürüb
Cütlük şəxsi avtomobillə Ezeiza Beynəlxalq Hava Limanına gəldikdə çox sayda media nümayəndəsi tərəfindən qarşılanıb. Lakin Suarez və Icardi onlara ünvanlanan suallara cavab vermək əvəzinə səssizcə qeydiyyat proseslərini tamamlayaraq İstanbula doğru yola düşüblər.