İngiltərədə Kraliyyət adları enir, Məhəmməd zirvədə

MƏHƏMMƏD ADI LİDERLİYİ QORUYUR

Böyük Britaniyanın Milli Statistika Ofisinin (ONS) məlumatlarına əsasən, 2024-cü ildə ölkədə standart yazılışla "Məhəmməd" adı tam 5.721 oğlan körpəyə verilib. Bu rəqəm, əvvəlki illə müqayisədə 23% artım deməkdir. Oğlan körpə adları arasında "Məhəmməd"dən sonra Nuh (Noah) və Oliver gəlir. Hər üç ad ötən ilki mövqeyini qoruyaraq sabitliyini saxlayıb.

MƏHƏMMƏD İLLƏRDİR ZİRVƏDƏDİR

ONS məlumatları yalnız adların eyni yazılışına əsasən toplasa da, "Daily Mail" qəzetinin araşdırmasına görə, "Məhəmməd" adının müxtəlif versiyaları (Mohammed, Mohammad, Muhamad və s.) birləşdirildikdə, bu ad on ildən artıqdır ki, Birləşmiş Krallığın ən çox seçilən kişi adı olaraq qalır.

Mütəxəssislər, bu adın yayılmasında müsəlman əhalinin artımının, həmçinin Mohamed Salah və Məhəmməd Əli kimi dünyaşöhrətli simaların təsirli olduğunu vurğulayırlar. Məhəmməd adı gələcəkdə də populyarlığını qoruyacaq.

QIZLARDA OLİVİYA ZİRVƏDƏ

Qız körpə adları siyahısında isə Oliviya ardıcıl üçüncü dəfə birinci yerdə qərarlaşıb. 2024-cü ildə bu ad 2.761 qız körpəsinə verilib. İkinci yerdə Ameliya, üçüncü yerdə isə bu il İsla-nı geridə qoyan Lili yer alıb. "Oliviya" adı 2006-cı ildən bəri ilk üçlükdəki yerini qoruyur və populyarlığını davam etdirir.

ARTAN POPULYAR İSİMLƏR

2024-cü ildə populyarlığı sürətlə artan bəzi adlar önə çıxdı:

Qız körpə adları arasında:

• May adı 14 pillə irəliləyərək ilk 25-liyə daxil olub (1.592 körpə).
• Boni də 10 pillə yüksələrək diqqətçəkən adlar arasında yer alıb.

Oğlan körpə adları arasında:

• Rori ilin ən sürətlə populyarlıq qazanan kişi adı oldu.
• Onu Eliya izlədi.

KRALLIQ AİLƏSİ ADLARI AZALIR

Krallıq ailəsi üzvlərinin adlarında ümumi bir eniş tendensiyası müşahidə olundu:

• Corc: 6-cı sırada (3.257 körpə)
• Vilyam: 27-ci sırada
• Lui: 47-ci sırada
• Şarlotta: Qızlar arasında 23-cü sıraya geriləyib.

Bu durum, cəmiyyətdə ad seçimində ənənəvi fiqurlardan uzaqlaşma tendensiyasını əks etdirə bilər.

2024-cü ildə beşdən az körpəyə verilən bəzi qeyri-adi adlar da hesabatda öz əksini tapıb. Oğlanlarda Katbert, Krispin, Avsome və Bekhem, qızlarda isə Orkid, Poem, Sisili və Everest ilin ən az seçilən adları arasında yer alıb.

24 saat