İspaniya-Türkiyə oyunu Avropada müzakirə olunur

FIFA 2026 Dünya Çempionatı seçmə mərhələsində baş tutan və 2-2 hesabı ilə başa çatan İspaniya-Türkiyə oyunu İspaniya mətbuatında geniş rezonans doğurub. İspan nəşrləri Dünya çempionatına və türkiyə milli komandasının performansına xüsusi diqqət yetiriblər.

İspaniya mətbuatı rekordları vurğulayır

"Rekordla Dünya Çempionatına" başlığı ilə çıxan "Marca" qəzeti İspaniyanın seçmə mərhələ oyunlarında məğlub olmadan 13-cü dəfə ardıcıl olaraq Dünya Çempionatına vəsiqə qazandığını yazıb. Rəsmi qarşılaşmalarda 31 oyundur məğlub olmayan İspaniyanın bu sahədə İtaliyanın rekordunu təkrarladığı qeyd olunub. "İlk qol Türkiyəni ruhlandırdı və İspaniyanı çaşdırdı. İspaniya ikinci hissənin əvvəlində daha bir zərbə aldı. Oyarzabal hesabı bərabərləşdirənə qədər Türkiyə üstünlüyünü qorudu" ifadələri işlədilib.

Qəzet İspaniyanın seçmə qrupunu qol buraxmadan bitirə bilmədiyini vurğulayıb: "İlk beş oyunda qapısını toxunulmaz saxlayan İspaniyanın seriyasını Dəniz Gül pozdu. Amma İspaniya üçün cəza yalnız ilk qolla məhdudlaşmadı. İkinci hissənin əvvəlində Salih Özcanın sağ ayağı ilə göndərdiyi qüvvətli zərbə hesabı dəyişdirdi. Türklərin sevinci böyük idi."

"Gösterişsiz xoşbəxtlik" və ümidverici proqnozlar

İspaniyanın "AS" qəzeti "Gösterişsiz Xoşbəxtlik" başlığı ilə dərc etdiyi xəbərdə, "Türkiyəyə qarşı alınan heç-heçə acı verir, lakin bu, aylardır görülən yaxşı işi kölgədə qoymur. Artıq aydın görünür ki, 2026 Dünya Çempionatı üçün İspaniya ən güclü namizədlərdən biridir. De la Fuentenin əlində Meksika, Kanada və ABŞ-da böyük işlər görə biləcək bir heyət var" şəklində şərh verib.

Qəzet, "Olmo 29 və 31-ci dəqiqələrdə iki dəfə qola yaxınlaşdı, lakin qapıçı Altay Bayındır 'Buradan keçə bilməzsən' dedi. Dəniz Gülün vurduğu qol İspaniyanın Dünya Çempionatı taleyinə təsir etməsə də, 'seçmələrdə qol buraxmama hekayəsini' alt-üst etdi. Heç kimin gözləmədiyi ikinci qol, bu günü yaşayıb sabaha baxmamaq lazım olduğunu xatırladan bir şamar oldu. Amma işlər pisə gedərkən Oyarzabal xilaskar oldu" fikirlərini bölüşüb.

"İspaniya bir anlıq ölümlülüyü dadı"

"İspaniya bir anlıq ölümlülüyü dadı" ifadəsini işlədən digər bir İspan qəzeti "El Pais" isə, "İspaniya seçmə qrupunda ilk dəfə qol buraxdı və qısa müddətə geriyə düşdü. Türkiyə ilk oyunda göstərdiyi performanstan daha artığını nümayiş etdirdi" sözlərini yazıb.

Altay Bayındıra tərif dolu sözlər

Digər tərəfdən, matç xəbərini "Türkiyə İspaniyanı dayandırdı" başlığı ilə oxucularına çatdıran İtalyan "La Gazzetta dello Sport" qəzeti isə milli qapıçı Altay Bayındırın performansını yüksək qiymətləndirib.

Qəzet Altayın matç boyunca uğurlu qurtarışlar etdiyini bildirərək xəbərini, "Dani Olmo ilk qoldan sonra Mançester Yunaytedin qapıçısı Bayındıra ilişdi. Türk qapıçı iki əla zərbəni, ardınca Fabian Ruiz'in zərbəsini möhtəşəm şəkildə çıxardı" cümlələri ilə oxucularına çatdırıb.

24 saat