İsrail Beyrutda Hizbullahın ikinci liderini hədəf aldı

İsrail Livanla Atəşkəsi Pozdu: Beyruta Yeni Hava Zərbəsi

İsrail Livanla əldə edilmiş atəşkəs razılaşmasını yenidən pozaraq, paytaxt Beyrutun cənub bölgələrinə növbəti hava zərbəsi endirib. İyul ayından bəri Beyruta ilk dəfə hücum edən İsrail ordusu, Hizbullahın ikinci ən mühüm siması kimi tanınan Heytəm Əli Tabatabayini hədəfə alıb. Hücum nəticəsində yaranan insan tələfatı, maddi ziyan və Tabatabayinin aqibəti barədə hələlik dəqiq məlumat yoxdur.

Hizbullahdan Sərt Reaksiya və Qırmızı Xətt Xəbərdarlığı

Hizbullah Siyasi Şurasının üzvü Mahmud Kumati, İsrail ordusunun Livanın paytaxtı Beyrutun Dahiye bölgəsinə endirdiyi zərbədə təşkilatın hərbi qanadından bir şəxsin hədəf alındığını bildirib. Kumati Dahiye bölgəsində keçirdiyi mətbuat konfransında, hədəf alınan hərbi qanad üzvünün adının daha sonra ictimaiyyətə açıqlanacağını qeyd edib.

Kumati, İsrailin pozasını sonlandırmaq üçün Livan ordusu və hökuməti ilə koordinasiyalı şəkildə fəaliyyət göstərdiklərini vurğulayıb. O, Hizbullahın ali rəhbərliyinin İsrailin "qırmızı xətti" keçən bu hava hücumuna necə cavab veriləcəyini dəyərləndirəcəyini söyləyib. Kumati həmçinin İsrail ilə dolayı və ya birbaşa danışıqları "vaxt itkisi" hesab etdiyini bildirib.

İsrail Hücumu Təsdiqlədi: Hədəf Haytəm Əli Tabatabayi İdi

İsrail Baş naziri Binyamin Netanyahunun Ofisi Tabatabayinin hədəf alındığını təsdiqləyib. Verilən açıqlamada deyilir: "Qısa müddət əvvəl İsrail ordusu Beyrutun mərkəzində təşkilatın hərbi cəhətdən güclənməsini və silahlanma səylərini idarə edən Hizbullah liderini vurdu. Baş nazir Netanyahu müdafiə naziri və baş qərargah rəisinin tövsiyəsi ilə hücum əmrini verib. İsrail öz hədəflərinə çatmaq üçün hər yerdə və hər zaman hərəkət etməyə qərarlıdır."

Hücumun Nəticələri və ABŞ-dan Açıqlama

Adı açıqlanmayan yüksək rütbəli bir ABŞ rəsmisi isə hücumdan sonra verdiyi bəyanatda İsrailin bu əməliyyat barədə ABŞ-ı əvvəlcədən məlumatlandırmadığını bildirib. İsrail ordusunun atəşkəsi pozaraq Beyrutun Dahiye bölgəsinə endirdiyi hava zərbəsi nəticəsində 1 nəfər həyatını itirib, 21 nəfər isə yaralanıb.

24 saat