İsrail təyyarələri yenidən sərhədləri pozdu: Körfəz mətbuatı 'hücum provası' adlandırdı

İsrail təyyarələri İraqın hava sahəsini pozdu

Dünən gecə İsrail təyyarələri İraqın hava sahəsini pozaraq İran sərhədinə qədər uçuşlar həyata keçirdi. Yerli sakinlər alçaqdan uçan reaktivlərin səsi səbəbindən partlayış baş verdiyini zənn etdilər. İran və İraq KİV-lərinin məlumatına görə, təyyarələr bombalama ssenarisini simulyasiya etdikdən sonra geri qayıdıblar. Bu, bölgədəki gərginliyi daha da artırıb.

İranın narahatlığı və ABŞ-ın hərəkətliliyi

İran, Yaxın Şərqdəki bu hərbi aktivliyin yeni hücumlar üçün hazırlıq olduğunu iddia edib. Eyni zamanda, Küveytdən havalanan bir ABŞ yanacaqdoldurma təyyarəsi İran istiqamətində uçuş həyata keçirdikdən sonra bir neçə saat ərzində bazasına qayıdıb. Bu uçuş da bölgədə diqqətlə izlənilib.

Oxşar pozuntular və kəşfiyyat fəaliyyətləri

Bir həftə əvvəl də İsrailə məxsus təyyarələr oxşar şəkildə Suriya-Türkiyə sərhədinə, xüsusilə Kilisin qarşısındakı Azez şəhərinə qədər uçaraq geri dönmüşdü. Həmin zaman İsrail Suriya hava sahəsi üzərində ümumilikdə 15 təyyarə, o cümlədən Azezə doğru 3 təyyarə göndərmişdi.

Bu uçuşların kəşfiyyat məlumatları toplamaq məqsədi daşıdığı və "əməliyyat xarakterli addım" olduğu bildirilmişdi.

24 saat