Kreml: Putin-Tramp görüşü təsdiqləndi

Kreml: Putin və Tramp görüşü razılaşdırıldı

Kreml tərəfindən diqqətçəkən diplomatik əlaqələr barədə siqnallar yayılıb. Rusiya Federasiyasının dövlət başçısı köməkçisi Yuri Uşakov, yaxın günlərdə Rusiya prezidenti Vladimir Putin ilə ABŞ prezidenti Donald Tramp arasında bir görüş keçirilməsi barədə razılığa gəlindiyini rəsmi olaraq elan edib.

Üçtərəfli Zirvə Təklifi

Uşakov bu açıqlamanı ABŞ prezidenti Donald Trampın Yaxın Şərq üzrə xüsusi nümayəndəsi Stiv Vitkofla dünən baş tutan görüşdən sonra verib. Uşakovun sözlərinə görə, görüşdə Vitkof təkcə Putin və Trampın deyil, eyni zamanda Ukrayna prezidenti Volodimir Zelenskinin də iştirak edəcəyi üçtərəfli Prezidentlər zirvəsi təklif edib. Moskva bu təkliflə bağlı hər hansı şərh verməkdən çəkinib.

Zirvənin nə vaxt və harada baş tutacağı barədə ətraflı məlumat verilməyib. Lakin Rusiya ilə ABŞ arasında diplomatik təmasların sürətləndiyi və tərəflər arasında münasibətlərin inkişaf etdirilməsi istiqamətində addımlar atıldığı qeyd olunur.

24 saat