Lionel Messi vida etdi

Messinin vida anonsu: Son Dünya Kuboku

Argentina milli komandasının və dünya futbolunun ulduzu Lionel Messi, Venezuela üzərində qazanılan 3-0 hesablı qələbədən sonra azarkeşlərini şoka salan açıqlamalar verib. Son Dünya Kubokunun onun üçün sonuncu böyük beynəlxalq turnir olacağını bildirən Messi, doğma vətənində bir daha rəsmi matçda oynamayacağını da dilə gətirib.

Argentina - Venezuela matçının qəhrəmanı

Argentina millisinin Venezuela ilə qarşılaşması Lionel Messinin dublu və Lautaro Martinezin qolu ilə yadda qalıb. Matçın 39 və 80-ci dəqiqələrində fərqlənən Messi, komandasına qələbə qazandırmaqla yanaşı, karyerası ilə bağlı verdiyi açıqlamalarla da gündəmə damğasını vurub. Lautaro Martinez isə 76-cı dəqiqədə fərqlənərək hesabın 3-0 olmasını təmin edib.

Messi: "Ümidliyəm, amma..."

Gələcək planları ilə bağlı suallara cavab verən Messi, "Düşünmürəm ki, daha bir Dünya Kubokunda oynayacağam. Amma buradayam, ümid və həyəcan doluyam. Hər gün, hər matç öncəsi eyni həyəcanı yaşayıram. Bu il çoxlu sayda matçımız oldu. Şanslıyam ki, ard-arda üç matçda iştirak edə bildim. Hər gün özümü dinləyərək, hisslərimə uyğun qərarlar qəbul edirəm", - deyə bildirib.

Son Dünya Kuboku və vətəndə vida

38 yaşlı futbolçu, ölkəsində son matçına çıxdığını vurğulayaraq, "Bu gün burada xal qazanmaq üçün oynadığım son matç idi. Hər gün özümü yaxşı hiss etməyə çalışıram. Əgər özümü yaxşı hiss etmirəmsə, meydanda olmağı da istəmirəm. Çox şey yaşadım. Buranı belə bitirmək həmişə arzum olub. Xalqımla birlikdə qələbəni qeyd etmək... Barselonada uzun illər sevgi gördüm, amma bunu burada, öz ölkəmdə, öz xalqımla yaşamaq ən böyük arzum idi. Uzun illər çox şey danışıldı, amma mən həmişə etdiyimiz gözəl şeyləri xatırlayıram. Dəfələrlə uğursuzluğa düçar olan, lakin hər şeyə rəğmən yaşadıqlarımız möhtəşəm olan bu qrupu xatırlayıram", - deyə duyğusal sözlər söyləyib.

24 saat