“Galatasaray”ın Yeni Qapıçısı Fransada Tapıldı: Lukas Perri Komandaya Qatılır
Fernando Musleranın ayrılığından sonra qapısına yeni qapıçı axtarışında olan “Galatasaray”, axtardığı adı Fransada tapdı. Sarı-qırmızılı kollektiv Liqa 1 təmsilçisi “Lyon”un braziliyalı Lucas Perri ilə razılığa gəlib.
Lukas Perri Gəlişə Müsbət Yanaşır
“Galatasaray” rəhbərliyi Perri ilə prinsipial razılığa gəlib. 26 yaşlı futbolçunun “Galatasaray”a transfer olmaqda istəkli olduğu və klubun təklif etdiyi şərtləri qəbul etdiyi bildirilir. Lakin keçidin rəsmiləşməsi üçün “Lyon”la transfer danışıqlarının müsbət nəticələnməsi gözlənilir.
Ötən Mövsümün Çıxışı
Lucas Perri 2023-2024 mövsümündə “Lyon” forması ilə ümumilikdə 45 rəsmi matçda iştirak edib. Bu qarşılaşmalarda 60 qol buraxan qapıçı, 13 oyunda qapısını toxunulmaz saxlayıb. Sabit çıxışı ilə diqqət çəkən Perrinin 2028-ci ilə qədər “Lyon”la müqaviləsi var. Oyunçunun cari bazar dəyəri 10 milyon avro səviyyəsində qiymətləndirilir.
Muslera Dövründən Sonra Yeni Mərhələ
“Galatasaray”da 14 il ərzində qapını qoruyan və klub tarixinə adını yazdıran Fernando Musleranın vida etməsindən sonra qapıya kimin keçəcəyi maraq doğururdu. Musleranın yerini uzunmüddətli bir adla əvəz etmək istəyən “Galatasaray” rəhbərliyi Perri namizədi üzərində qərarlaşdı.