Məşhur ulduz xəstəxanaya yerləşdirilib

Braziliyalı ulduz Oscarın səhhətində problem

Braziliya çempionatında çıxış edən "Sao Paulo" klubunun oyunçusu Oscar məşq zamanı ürəyində yaranan ritm pozuntusu səbəbindən xəstəxanaya yerləşdirilib.

Oscar məşqdə qəflətən haldan düşüb

Karyerasını "Sao Paulo"da davam etdirən məşhur braziliyalı futbolçu Oscarın qəflətən haldan düşməsi pərəstişkarlarını narahat edib.

34 yaşlı yarımmüdafiəçinin məşq zamanı ürək ritminin qəfildən pozulması nəticəsində özünü pis hiss etdiyi bildirilib. İlk tibbi yardım meydançada göstərildikdən sonra Oscar təcili olaraq xəstəxanaya çatdırılıb.

Klubdan rəsmi açıqlama

"Sao Paulo" klubu Oscarın səhhəti ilə bağlı rəsmi məlumat yayıb: "2026-cı il mövsümünə hazırlıq çərçivəsində səhər SuperCT təsisatlarında aparılan müayinələr zamanı futbolçu Oscarın ürək ritmində bəzi pozuntular aşkar edilib. Oyunçuya dərhal klubun səhiyyə qrupu və təsisatda olan Einstein Xəstəxanasının mütəxəssisləri tərəfindən müdaxilə olunub. Daha sonra o, xəstəxanaya göndərilib, vəziyyətinin stabil olduğu və diaqnozu dəqiqləşdirmək üçün əlavə müayinələr aparıldığı bildirilib. Klub, hər zamanki prosedurları tətbiq edərək və oyunçunun şəxsi məlumatlarının məxfiliyinə hörmət edərək, tibbi qrup tərəfindən təsdiqlənən yeni məlumatları ictimaiyyətlə bölüşəcəkdir".

24 saat