Mançester Yunayted möhtəşəm qələbə qazandı

"Mançester Yunayted" "Çelsi" üzərində qələbə qazandı

Mançester Yunayted öz meydanında "Çelsi" komandasını 2-1 hesabı ilə məğlub etdi. "Old Trafford" stadionunda baş tutan qarşılaşmada "Çelsi"nin qapıçısı Robert Sançez 5-ci dəqiqədə rəqib komanda oyunçusu Brayan Mbeumoya qarşı kobud oyuna görə birbaşa qırmızı vərəqə alaraq meydandan qovuldu.

Hesabda önə keçən "Mançester Yunayted"

Matçın 14-cü dəqiqəsində Bruno Fernandeşin qolu ilə hesabı açan ev sahibi komanda, 37-ci dəqiqədə Kazemironun başla vurduğu qolla fərqi 2-yə çatdırdı. Qarşılaşmanın 45+5-ci dəqiqəsində "Mançester Yunayted"dən Kazemiro da qırmızı vərəqə alaraq komandasını 10 nəfərlik tərkibdə qoydu.

"Çelsi"nin cəhdləri nəticə vermədi

London təmsilçisi 80-ci dəqiqədə Trevo Çalobanın qolu ilə hesabdakı fərqi azaltsa da, "Mançester Yunayted" matçdan 2-1 hesablı qələbə ilə ayrıldı. Bu nəticə ilə 9-cu pillədə olan "Mançester Yunayted" xalını 7-yə yüksəltdi, "Çelsi" isə 8 xalla 6-cı sırada qaldı.

Altay Bayındırın debütü

"Mançester Yunayted"də forma geyən Türkiyə millisinin qapıçısı Altay Bayındır bu oyunda ilk 11-də yer alaraq komandasının qapısını qorudu.

24 saat