Biricik Suden: "Çox insan döymüşəm"
Mazhar Alanson və
Biricik Suden 2003-cü ildə ailə qurublar. Şəxsi həyatlarını ictimaiyyətdən kənar yaşayan cütlükdən moda dizayneri Suden, illərdir həftənin beş günü
idmanla məşğul olur. Sosial media hesabında tez-tez
idman etdiyi anları və bədən quruluşunu paylaşan Biricik Sudenə, əzələli halına görə bəzən tənqidlər ünvanlanır. Hətta bu yaxınlarda ona gələn "Biricik xanım, üzr istəyirəm, amma qollarınız 'sar məni qollarına' deyəcəyim bir kişi kimi" şərhinə belə cavab vermişdi: "Allah heç kimi bu qədər kişiyə həsrət qoymasın."
Yaşlanıram, amma qocalmıram
Biricik Suden son olaraq "Sormazsam Olmaz" adlı
televiziya proqramında verdiyi açıqlamalarla gündəmə gəlib. 62 yaşlı Suden, sözlərini belə davam etdirib: "Yaşlanıram, amma qocalmıram. Hər yaş ötdükcə yaşlanırsan, amma qocalmaq hal, davranış və çökmə vəziyyətidir. Bu isə məndə baş vermir. Yeni bir şey öyrənməmək, özünə diqqət etməmək, 'bizdən keçdi' düşüncəsinə düşmək dəhşətli bir şeydir. Televiziyada gördüm, təqaüd almaq üçün növbədə gözləyənlər 'Övladım, 50 yaşlı qadınam, gözləmək çətin olur' deyir. Mən isə 62 yaşımda 300 kiloqram ağırlıq qaldırıram. 50 ildir
idmanla məşğulam."
Özümü qoruya bilirəm
Döyüş idmanları ilə də məşğul olduğunu deyən məşhur sima, bir çox insanı döydüyünü açıqlayıb: "Özümü qoruya bilirəm, kaş ki, qorumaqla qalsaydı, öldürə də bilərsən. Döymək onsuz da elə də böyük iş deyil. Əzələlərimə görə 'Qadın deyilsən, kişisən' deyirlər. Düzdür, mən androgen bir tipəm. İri cüssəliyəm, hündürəm, iri əllərim və qalın səsim var. Məsələn, biz mini şort geyinirdik. Sataşanları, söz atanları, toxunmağa cəhd edənləri təkme-yumruq döyürdüm. Özümü qorumaq o gündən başladı. Çox adam döymüşəm."
24 saat
Oxucu Şərhləri
Şərh Yaz