Mesut Süre cinsi təcavüz ittihamını rədd etdi: "Nüfuz qəsdidir"

Son günlər sosial medianın əsas müzakirə mövzularından biri mədəniyyət və incəsənət sahəsindəki cinsi təcavüz iddialarıdır. Bu ifşalar geniş rezonans doğuraraq ictimaiyyətdə ciddi narahatlıq yaratmışdır. Son hadisə isə bir qadının Mesut Süre haqqındakı iddiaları ilə bağlıdır. O, bildirib ki, staj proqramı ilə bağlı çay bağçasında görüşdüyü komediyaçı Süre onu yemək yemək üçün evinə dəvət edib və orada ona cinsi təcavüz edib. X (əvvəlki adı Twitter) platformasında yayılan açıqlamada qeyd olunub: "Universitetdə oxuyarkən bir jurnal nəşr edirdik. Bu jurnalda alternativ komediya haqqında "az tanınan" komediyaçılarla müsahibə almaq istədik. Bu yolla o dövrdə radio proqramçısı olan və kiçik klublarda çıxış edən Mesut Süre ilə tanış olduq." Müraciət edən qadın bildirib: "Mesut Süre bir müddət sonra staj proqramı ilə bağlı mənimlə əlaqə saxladı. Bu görüşü Beşiktaşda bir çay bağçasında etdik. Daha sonra acıdığını söyləyib, "Yemək yeyək" dedi. Razılaşdım. "Çöldə pul xərcləməyək, evdə çox gözəl yemək var, bizdə yeyək" dedi. Yenə razılaşdım. (O vaxtlar Türkiyə hələ bu qədər qorxunc deyildi, heç bir qəbahət görməmişdim. Bu izahatı vermək məcburiyyətində qalmaq belə məni incidir.)" Qadının sözlərinə görə, Mesut Süre'nin Beşiktaşdakı evinə gedib yemək yedikdən sonra, getmək vaxtı gələndə Süre onu qolundan tutaraq divana yıxıb, üzərinə çıxıb və öpməyə çalışıb. Şikayətçi xanım 1.60 metr boyunda olduğunu, Mesut Süre'nin isə 2 metrdən uzun olduğunu qeyd edərək, böyük çətinliklə onun altından çıxdığını və müqavimət göstərmək üçün bütün gücünü sərf etdiyini bildirib. O, dərhal evdən çıxdığını və bir daha Süre ilə görüşmədiyini vurğulayıb. O, Mesut Süre'nin çox sevilən, cinsiyyətçilik etməyən, nəcib komediyaçı kimi tanındığını qeyd edib. Həmçinin, Sürenin evində olduğu üçün ona iftira atdığı və ya flirt etdiyi iddiaları ilə üzləşə biləcəyindən narahatlığını dilə gətirib. Hadisənin 13 il əvvəl baş verdiyini və Sürenin onu dəvət etdiyi mesajları tapmadığını vurğulayıb. Yeganə sübut kimi jurnaldakı məqaləni və yedikləri ispanaq yeməyini xatırladığını bildirib, həmin yemeği unuda bilmədiyini əlavə edib.

YAYIM EKİBİNDƏN SERT REAKSİYA

'İlişki Testi' proqramının istehsalçı qrupu olan İda İletişim, irəli sürülən iddialardan sonra Instagram səhifəsində Mesut Süre ilə əməkdaşlığı dayandıracaqlarını elan edib. Şirkət açıqlamasında "Mesut Süre ilə bir daha çalışmayacağımızı bildiririk. Bütün mağdurların yanındayıq. Şok içindəyik. Utanc hissi keçiririk. Səhifəmizi səsinizi duyurmağa həsr edəcəyik. Yaşadığınız hadisələri 'İlişki Testi' vasitəsilə ictimailəşdirməyə söz veririk" sözlərinə yer verib.

MESUT SÜREDƏN AÇIQLAMA

Digər tərəfdən, Mesut Süre də irəli sürülən iddialarla bağlı açıqlama verib. O, "Dünən gecədən bəri yaşadığım vəziyyətin şokundayam. Əvvəlcə qeyd etməliyəm ki, mənə qarşı irəli sürülən bütün ittihamlar qeyri-həqiqidir. Sosial media "məhkəmələri" sayəsində bir anda linç edildim. Həyatdakı ailəm, dostlarım, yaxınlarım və illərdir məni dinləyən, izləyən insanlar belə bir mövzuda nə qədər həssas olduğumu bilirlər. Bu, bir ifşa deyil, etibar sui-qəsdidir. Şəxsiyyətimə, peşəmə və nüfuzuma qarşı edilən bu ədalətsiz hərəkətlərə qarşı dərhal bütün hüquqi yollara əl atacağımı bildirirəm" deyə bəyan edib.

24 saat