Milli futbolçu itmiş saat və üzüklərini tapdı

Merih Demiral-ın İspaniyada qiymətli əşyaları oğurlanıb

Sevilya polisindən əldə edilən məlumatlara görə, İspaniya-Türkiyə matçının 2-2 hesabı ilə başa çatmasından sonra Türkiyə milli futbol komandasının hava limanına getdiyi vaxt Merih Demiral bir saatının və iki üzüyünün olmadığını fərq edib. Bundan sonra Türkiyə Futbol Federasiyasının rəsmiləri dərhal İspaniya Futbol Federasiyasının təhlükəsizlik qrupu ilə əlaqə saxlayıblar.

Oğurluq faktı ilə bağlı araşdırma

La Cartuja stadionunda Türkiyə milli komandasının soyunma otağında aparılan axtarışlarda saat və üzüklər tapılmayıb. Bunun üzərinə Merih Demiral vəkili vasitəsilə İspaniya polisinə şikayət edib. Bu təşəbbüsdən sonra stadionun xüsusi təhlükəsizlik xidməti ilə əməkdaşlıq nəticəsində bir neçə saat ərzində sözügedən qiymətli əşyalar tapılıb.

Zərərin məbləği açıqlanıb

Səlahiyyətli şəxslər saatın 90 min avro, üzüklərin isə 60 min avro dəyərində olduğunu bildiriblər. Yasal prosedurlar tamamlandıqdan sonra bu əşyaların milli futbolçuya təhvil veriləcəyi qeyd olunub.

Polis araşdırmanı davam etdirir

Hadisənin oğurluq hadisəsi olduğu şübhəsi ilə İspaniya Milli Polisi ehtimal olunan cinayətkarların müəyyən edilməsi, oğurluğun necə baş verdiyinin üzə çıxarılması və məsul şəxslərin müəyyən edilməsi üçün araşdırmaları davam etdirir.

24 saat