Milli komandadan ayrıldı

Anadolu Efesdə parlaq iz qoyan Şeyn Larkin Türkiyə Milli Basketbol Komandası ilə vidalaşdı ## Şeyn Larkindən Milli Komandaya Vida Məktubu

Türkiyə Milli Basketbol Komandası Avropa Çempionatının finalında Almaniyaya məğlub olaraq gümüş medalla kifayətləndi. Bu yarışdan sonra komandanın aparıcı oyunçularından olan Şeyn Larkin milli komanda karyerasını bitirdiyini açıqlayıb.

Şeyn Larkin sosial media hesabında yayımladığı mesajda bu qərarını belə izah edib:

## Larkin: "Burası Mənim İkinci Evim Oldu"

"7 il öncə Türkiyəyə heç bir gözləntim olmadan gəlmişdim. Bu, sadəcə sevdiyim oyunu oynamaq üçün bir dayanacaq nöqtəsi idi. İndi isə bura mənim ikinci evimə çevrilib. Məni qəbul etməyiniz və dəstəyiniz sözlərlə ifadə edilə bilməyəcək qədər dəyərlidir. Bütün ölkədən gördüyümüz sevgi və dəstək, əsas məqsədimiz olan qızıl medaldan qat-qat üstündür. Qardaşlarım olan komanda yoldaşlarıma, məşqçilərimizə, idarəçilərə və bu səyahətdə əməyi olan hər kəsə təşəkkür edirəm. Sinəmdə Türkiyə yazısı ilə meydana çıxmaq mənim üçün böyük şərəf idi. Mən həmişə sizin bir parçanız olaraq qalacağam və sizi ürəyimin dərinliklərindən sevirəm. Təşəkkürlər, Türkiyə!"

32 yaşlı basketbolçu, bu sözləri ilə Türkiyəyə olan dərin bağlılığını və minnətdarlığını ifadə edib.

24 saat