İyun ayında təqdim etdikləri debyut albomu ilə qısa zamanda geniş populyarlıq qazanaraq bir milyon dinləyiciyə çatan "The Velvet Sundown" adlı, 60-cı illər ruhlu rok qrupu, musiqi dünyasını şoka salan həqiqəti etiraf etdi: qrupun bütün üzvləri və musiqiləri
süni intellekt tərəfindən yaradılıb.
ÜÇ ÖLKƏDƏ ZİRVƏYƏ YÜKSELDİLƏR
5 İyun tarixində yayımlanan "Floating on Echoes" adlı debüt albom, xüsusilə "Dust on the Wind" adlı sülh tərəfdarı folk-rok parçası ilə Spotify-ın Böyük Britaniya, Norveç və İsveç hit-paradlarında zirvəyə yerləşdi. Lakin dinləyicilərin əksəriyyəti, bu mahnıların arxasında əsl musiqiçilərin dayandığından xəbərsiz idi.
Qrupun albom qapaqları və tanıtım görsəllərindəki süni görünüşlər (xüsusilə gitaristin qəribə şəkildə birləşmiş barmaqları), təsvirlərin də süni zəkanın məhsulu olduğunu aşkar edirdi.
Mahnı sözlərində də oxşar klişələr diqqət çəkirdi:
"Heç nə əbədi deyil, nə torpaq, nə də səma... Hər şey yox olub gedir, pulun bir an belə satın ala bilməz."
BİR AYDA ÜÇ ALBOMLARININ SİRRİ
İyun ayında iki albom yayımlayan "Velvet Sundown", iyul ayının ortaları üçün üçüncü bir albomunu da elan etdi. İnsan əli ilə hazırlanması demək olar ki, qeyri-mümkün olan bu istehsal sürəti, qrupa dair şübhələri daha da artırdı.
Nəhayət, qrup Spotify bioqrafiyasını yeniləyərək həqiqəti etiraf etdi:
"The Velvet Sundown, insan istiqamətləndirməsi ilə idarə olunan sintetik bir
musiqi layihəsidir. Bəstə, vokal və vizuallar proqramlar tərəfindən istehsal olunur. Bu bir aldatmaca deyil, bir güzgüdür. Bu,
sənətin, şəxsiyyətin və musiqi istehsalının sərhədlərini
süni intellekt dövründə yenidən sorğulayan bir təcrübədir."
GƏLİR ƏLDƏ ETMƏK MƏSƏLƏSİ
Qrupun Spotify kimi platformalarda gəlir əldə edib-etməyəcəyi hazırda qeyri-müəyyəndir. Lakin YouTube 15 İyul tarixindən etibarən
süni intellektlə yaradılan məzmunlar üçün pul qazanma yollarını bağlayacağını açıqladı.
24 saat
