Nə Tom Kruz, nə Bred Pitt: 1.5 milyard dollarlıq ən zəngin aktyor

Hollywood-da ən zəngin aktyorlar deyəndə ağıla Tom Kruz və ya Dueyn “Rok” Conson kimi adlar gəlsə də, zirvənin ən başında sürpriz bir ad dayanır: Arnold Şvartsenegger. Kaliforniyanın keçmiş valisi, sərvətini film çəkiliş meydanlarında deyil, illər əvvələ dayanan ağıllı sərmayələri, işgüzar zəkası və çoxşaxəli karyerası ilə qurub. Arnold Şvartseneggerin maliyyə uğurunun təməli “Terminator” və ya “Barbar Konan” kimi əfsanəvi filmlərinə deyil, 1970-ci illərin əvvəllərinə söykənir. Hələ dünya miqyaslı bir kino ulduzu olmadan öncə, bodibildinq çempionu olaraq qazandığı şöhrət və pulu Los-Ancelesdə daşınmaz əmlaka yatırmağa başlayıb. Həmin dövrdə binalar alaraq qurduğu əmlak imperiyası, sonrakı onilliklərdə daşınmaz əmlak qiymətlərinin kəskin artması ilə ona böyük bir sərvətin qapılarını açıb. O, hələ kassada rekordlar qırmadan əvvəl artıq milyoner idi.

Hər addım bir sərmayəyə çevrildi

Bir çox həmkarından fərqli olaraq, Şvartsenegger bütün yumurtaları eyni səbətə qoymadı. O, karyerasının hər mərhələsini gəlir mənbəyinə çevirməyi bacardı:

Bodibildinq: Yeddi dəfə Mr. Olmpiya çempionu olması, ona erkən yaşda marka dəyəri və iş dünyasına giriş bileti təmin etdi.

Kino karyerası: Əfsanəvi rolları ona xeyli qonorar qazandırdı və qlobal şöhrətini möhkəmləndirdi.

Siyasi karyera: Kaliforniya valiliyi ona əvəzsiz bir ətraf və nüfuz qazandırdı. O, bu şəbəkədən gəlir mənbələrini daha da şaxələndirmək üçün istifadə etdi.

Rəqəmlərlə zirvəyə yüksəliş

2025-ci ilin may ayında açıqlanan bir reytinq, Şvartseneggerin maliyyə uğurunu aydın şəkildə ortaya qoydu. Təxminən 1,5 milyard Avstraliya dolları (təqribən 1 milyard ABŞ dolları) sərvəti ilə Arnold Şvartsenegger, Hollywood-un ən zəngin adları sırasına adını yazdırdı.

Bu rəqəm, sərvəti təxminən 877 milyon dollar olan Tom Kruz kimi nəhəngi geridə qoyaraq, sərvəti təxminən 1,19 milyard dollar olan Dueyn “Rok” Consonla birlikdə onu sektorun ən zirvəsinə yerləşdirir.

Bu uğurun arxasında sadə bir düstur dayanır: Diversifikasiya. Artıq yalnız Hollywood gəlirlərinə əsaslanmayan Şvartsenegger, ağıllı sərmayələri və işgüzar zəkası ilə kino dünyasının maliyyə qaydalarını yenidən yazdığını sübut edir.

24 saat