Naməlum məxluqlar sahilə çıxır: Tükləri zəhər saçır

ABŞ Sahillərində Sirli Zəhərli Dəniz Soxulcanları

Amerika Birləşmiş Ştatlarının sahillərində sirli və olduqca təhlükəli zəhərli dəniz soxulcanları müşahidə olunmağa başlayıb. Səlahiyyətlilər çimərliyə gedənləri xəbərdar edərək, bu canlıların zəhərli və tükcüklərlə örtülü olduğunu qeyd ediblər. Amphinome rostrata adı ilə tanınan bu dəniz alov soxulcanı növü, təmas edildikdə insan dərisində yanıq hissi yaradır.

Texas sahillərindəki qalıqları araşdıran tədqiqatçılar, Körfəz sahili boyunca yayılmış rəngarəng soxulcanları aşkarlayıblar. Harte Tədqiqat İnstitutunun ictimai əlaqələr üzrə direktoru Ceyc Tannel (Jace Tunnell), gəzinti zamanı bu soxulcanlarla qarşılaşdıqdan sonra dərhal müvafiq addımlar atıb.

Qələm Ölçüsündə, Lakin Olduqca Təhlükəli

Qələm ölçüsündə olan bu soxulcanlar yumşaq bədənə malik olsalar da, çox zərərlidirlər. Onların iynəyəbənzər və görünməz tükcükləri təmas zamanı qırılaraq dəriyə yerləşir və güclü dozada toksin ifraz edir. Mütəxəssislər bildirirlər ki, bu toksinlər sinir sisteminə təsir edərək yanıq hissi, başgicəllənmə, ürəkbulanma və qalıcı dəri qıcıqlanmasına səbəb olur. Zəhərli tükcükləri insan dərisində saatlarla qala bilən bu zəhərli dəniz soxulcanları iki hissəyə bölündükdə belə yenidən birləşmə qabiliyyətinə malikdirlər.

28 Fərqli Növü Var

Bəzi hesabatlarda bu soxulcanların 28 fərqli növə malik bir ailəyə aid olduğu qeyd edilir. Bu növlərin hər birinin özünəməxsus zəhəri var.

24 saat